الماتى ماڭىنداعى اۋىلداردىڭ بىرىندە جوعالعان ءۇش بالا ءبىر تاۋلىك ىشىندە تابىلدى

باستىسى - بالالار ءدىن امان.

25 قازاندا ساعات 23:45-تە تالعار اۋدانى پب كەزەكشى ءبولىمىنىڭ پۋلتىنە جەرگىلىكتى تۇرعىننان كامەلەتكە تولماعان بالالاردى ىزدەستىرۋگە جاردەم كورسەتۋ تۋرالى حابارلاما كەلىپ ءتۇستى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

قوڭىراۋ شالعان ادام سول كۇنى ساعات 10:30 شاماسىندا ونىڭ 6 جاسار ۇلى كامەلەتكە تولماعان اعاسىمەن جانە اپكەسىمەن بىرگە ۇيدەن شىعىپ، ورالماعانىن ايتتى.

كامەلەتكە تولماعانداردى ىزدەستىرۋگە ءوڭىردىڭ جەكە قۇرامى دەرەۋ باعىتتالدى جانە پوليسيانىڭ بارلىق كەشەندى كۇشتەرى مەن ناريادتارىنا باعدارلار جىبەرىلدى. الماتى وبلىسى پوليسيا دەپارتامەنتى باستىعىنىڭ جەكە باقىلاۋىندا بولعان ىزدەۋ ءىس-شارالارىنا ەرىكتىلەر دە قوسىلدى. ناتيجەسىندە كەزەكشى تاۋلىك ىشىندە كامەلەتكە تولماعانداردى بەساعاش اۋىلىنان 12 شاقىرىم جەردە بەسقاينار اۋىلدىق وكرۋگىنىڭ تاۋلى جەرىنەن “تاباعان” تا باعىتىندا جەرگىلىكتى تۇرعىن تاپتى. قازىرگى ۋاقىتتا كامەلەتكە تولماعان بالالار ۇيلەرىنە امان-ەسەن ورالدى.

ال بالالاردىڭ اتا-انالارى پوليسەيلەرگە جانە ىزدەۋگە كومەكتەسكەندەردىڭ بارلىعىنا شىن جۇرەكتەن العىستارىن ءبىلدىردى.