قىزىل كىتاپقا ەنگەن سيرەك وسىمدىك – الاتاۋ بايشەشەگى بيىل قىستىڭ ورتاسىندا كۇتپەگەن جەردەن گۇلدەدى، دەپ حابارلايدى Aqshamnews.kz.
سيرەك كادرلار ىلە-الاتاۋ ۇلتتىق پاركىنىڭ Instagram-پاراقشاسىندا جاريالانعان. پارك قىزمەتكەرلەرىنىڭ ايتۋىنشا، ادەتتە بۇل بايشەشەك ءتارىزدى العاشقى گۇلدەر ناۋرىز–ءساۋىر ايلارىندا عانا شىعادى. الايدا بيىلعى ەرتە جىلىنىپ، قۇبىلمالى اۋا رايى وسىمدىكتىڭ مەزگىلسىز گۇلدەۋىنە اسەر ەتكەن.
"ىلە الاتاۋى مەملەكەتتىك ۇلتتىق پاركى سيرەك كەزدەسەتىن بۇل قۇبىلىستى باقىلاپ وتىر. تۋريستەر مەن تابيعات سۇيەر قاۋىمعا ەسكەرتۋ: وسىمدىكتەردى جۇلماڭىز، تاپتاماڭىز جانە ولاردىڭ تابيعي ورتاسىن ساقتاڭىز"، – دەپ تابيعات جاناشىرلارى ۇلتتىق پارككە كەلۋشىلەرگە ۇندەۋ جولدادى.