«ق ر بعم عك سەمە» مم سەيسميكالىق ستانسيالار جەلىسى 2021 جىلعى 15 تامىزدا الماتى ۋاقىتىمەن 12 ساعات 52 مينۋتتا جەر سىلكىنىسىن تىركەدى، دەپ حابارلايدى Almaty-akshamy.kz.
جەر سىلكىنىسىنىڭ ەپيسەنترى الماتى قالاسىنان سولتۇستىك-باتىسقا قاراي 97 شاقىرىم جەردە الماتى وبلىسى ىلە اۋدانىنىڭ اۋماعىندا ورنالاسقان.
جەر سىلكىنىسىنىڭ ەنەرگەتيكالىق كلاسى 9.1.
MPV ماگنيتۋداسى 4.5.
ەپيسەنتردىڭ كوورديناتتارى 43.99° س.ش. 76.38° ۆ.د.
تەرەڭدىگى 15 شاقىرىم.
سەزىلەتىندىگى تۋرالى مالىمەتتەر (مЅك-64 شكالاسى بويىنشا): قۇرتى اۋىلى 2 بالل.
الماتى وبلىسى توتەنشە جاعدايلار دەپارتامەنتى اقپاراتتى العاننان كەيىن جەرگىلىكتى اتقارۋشى ورگانداردى، پوليسيا دەپارتامەنتىن، قازسەلدەنقورعاۋ، پروكۋراتۋرا جانە باسقا دا ۇيىمداردى حاباردار ەتتى، سەنىپ تاپسىرىلعان اۋماقتارداعى جاعداي ناقتىلانۋدا، قيراۋلار مەن قۇرباندار تۋرالى حابارلامالار تۇسكەن جوق.
الماتى وبلىسىنىڭ تجد جەر سىلكىنىسى كەزىندەگى ارەكەتتەردىڭ ءتارتىبى تۋرالى ەسكەرتەدى:
- عيماراتتان شىعىڭىز (ءسىزدىڭ يەلىگىڭىزدە 15-20 سەكۋند)؛
- جوعارعى قاباتتاردا قالعان جاعدايدا بالانى قۇشاقتاپ الىپ، ەسىك ويىعىنىڭ ورنىنا نەمەسە ىرگەلى قابىرعالاردان قۇرالعان بۇرىشتا ورىن الىپ تۇرىڭىز؛
- ەشقانداي جاعدايدا تەرەزە جانىندا تۇرماڭىز جانە بالكونداردان سەكىرمەڭىز.
- عيماراتتاردان، قۇرىلىستاردان، باعانالار مەن قورشاۋلاردان الىستاپ تۇرىڭىز؛
- ۇيگە كىرمەڭىز: دۇمپۋلەر قايتالانۋى مۇمكىن؛
- جەدەلساتىنى پايدالانباڭىز؛
- سىرىڭكە، شام جاعۋعا بولمايدى؛
- سىمدارعا قول تيگىزبەڭىز؛
- زارداپ شەككەندەرگە العاشقى كومەك كورسەتىڭىز.