الماتى ماڭىندا جەر سىلكىندى

تجد جەر سىلكىنىسى كەزىندەگى ءىس-قيمىل ءتارتىبىن ەسكەرتتى.

ق ر ءبىلىم جانە عىلىم مينيسترلىگىنە قاراستى «سەيسمولوگيالىق تاجىريبە-ادىستەمەلىك ەكسپەديسياسى» مەملەكەتتىك مەكەمەسىنىڭ سەيسميكالىق ستانسالار جەلىسى 19 قىركۇيەك كۇنى 09 ساعات 01 مينۋتتا جەر سىلكىنىسىن تىركەدى، دەپ حابارلايدى اlmaty-akshamy.kz.

الماتى وبلىسى تج دەپارتامەنتى اقپاراتتى العاننان كەيىن جەرگىلىكتى اتقارۋشى ورگاندارعا، پوليسيا دەپارتامەنتىنە، قازسەلدەنقورعاۋ دەپارتامەنتىنە، پروكۋراتۋراعا جانە باسقا دا ۇيىمدارعا حابارلاندى. سەنىپ تاپسىرىلعان اۋماقتارداعى جاعداي ناقتىلانۋدا، قيراۋلار مەن قۇرباندار تۋرالى حابارلاما تۇسكەن جوق.

«جەر سىلكىنىسىنىڭ وشاعى الماتىدان سولتۇستىك-شىعىسقا قاراي 187 كم قاشىقتىقتا، قازاقستان اۋماعىندا ورنالاسقان. ءزىلزالانىڭ ەنەرگەتيكالىق كلاسى 8.1. ماگنيتۋداسى 3.7. MPV. باعىتى 44.73°س.ە. 77.89° ش.ب. تەرەڭدىگى - 15 شاقىرىم. مSك-64 باعانى بويىنشا سەزىلۋ تۋرالى اقپارات جوق»، - دەلىنگەن حابارلامادا.

الماتى وبلىسىنىڭ تجد جەر سىلكىنىسى كەزىندەگى ءىس-قيمىل ءتارتىبىن ەسكە سالادى:
- عيماراتتان شىعىڭىز (ءسىزدىڭ يەلىگىڭىزدە 15-20 سەكۋند)؛
- الدىڭعى ەسىكتىڭ ساڭىلاۋىندا تۇرىڭىز نەمەسە بالالاردى وزىڭىزگە قاراتىپ، كۇردەلى قابىرعالاردىڭ بۇرىشىنان ورىن الىڭىز؛
- ەشقانداي جاعدايدا تەرەزە جانىندا تۇرماڭىز جانە بالكونداردان سەكىرمەڭىز.
- عيماراتتاردان، قۇرىلىستاردان، باعانالار مەن قورشاۋلاردان الىسىراق تۇرىڭىز؛
- ۇيگە كىرمەڭىز: دۇمپۋلەر قايتالانۋى مۇمكىن؛
- ليفتىلەردى پايدالانباڭىز؛
- سىرىڭكە، شام جاقپاڭىز:
- انتەننا كابەلىنە، سىمدارعا تيىسپەڭىز؛
- زارداپ شەككەندەرگە العاشقى كومەك كورسەتىڭىز.