الماتى ماڭىندا ەرلى-زايىپتىلار مەفەدرون وندىرگەن

قىلمىستىق ءوندىرىس الماتى وبلىسى ىلە اۋدانىنداعى ۇيلەردىڭ بىرىندە ورنالاسقان، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«36 جاستاعى ج.ەسىمدى ازامات پەن 29 جاتساعى ج.ەسىمدى ازاماتشا ۇستالدى. ولار ەرلى-زايىپتىلار بولىپ شىقتى. جالدامالى باسپاناسىنان ەكى كەلىدەن استام ۇنتاقتى زات، 7 ليتر سۇيىقتىق قۇيىلعان شىنى كولبا، كانيستردەگى 40 ليترگە جۋىق حيميالىق زاتتار، 7 كەلىگە جۋىق ۇنتاقتالعان حيميالىق زاتتار، ەسىرتكىنى ساتۋشىلاردىڭ سينتەتيكالىق ەسىرتكى – مەفەدرون جاساۋ كەزىندە پايدالانعان وسىمدىكتەرى بار تۇپتەرى مەن قۇرالدارى تابىلدى. ىسكەر جۇپ نۇسقاۋلىقتاردى ينتەرنەت ارقىلى، ال شيكىزاتتاردى جاسىرىلعان ورىنداردان العانىن ايتتى. ۇستالعانداردىڭ ايتۋىنشا، “جۇمىس بەرۋشى” سينتەتيكالىق ەسىرتكىنىڭ ءار كەلىسى ءۇشىن 1 ميلليون تەڭگە كولەمىندە سىياقى بەرۋگە ۋادە ەتكەن»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

اتالعان دەرەك ق ر قك-نىڭ 297-بابى 1-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ايعاقتى زاتتار تاركىلەنىپ، سوت-حيميالىق ساراپتاماعا جىبەرىلدى. قىلمىستىق ءىستى اۋماقتىق ءبولىنىسى بويىنشا الماتى وبلىسى ىلە اۋدانىنىڭ پوليسيا باسقارماسى تەرگەپ جاتىر