ول 620 ملن تەڭگەدەن استام شىعىن كەلتىرگەن.
ديرەكتور ەكى جىل بويى الاياقتىق جولمەن كاسىپكەرلەردەن ەلەكتر ەنەرگياسى ءۇشىن نەگىزسىز اقى الىپ كەلگەن، دەپ حابارلايدى Almaty-akshamy.kz
«Almaty Kuat» ج ش س ديرەكتورىنا قاتىستى الاياقتىق جانە اسا ءىرى كولەمدە قارجىنى زاڭداستىرۋ فاكتىسى بويىنشا سوتقا دەيىنگى تەرگەپ-تەكسەرۋدى قما الماتى قالاسى بويىنشا دەپارتامەنتى اياقتادى.
تەرگەۋ بارىسىندا انىقتالعانداي، ج ش س ديرەكتورى الماتى قالاسىنىڭ يندۋستريالدى ايماعىنا قاتىسۋشى 10-نان استام شارۋاشىلىق جۇرگىزۋشى سۋبەكتىلەرىمەن ەلەكتر ەنەرگياسىن جەتكىزۋ شارتىن جاساسىپ، ەلەكتر ەنەرگياسىن تۇتىنۋشىلاردى، سونداي-اق ءوندىرۋشى جانە جەتكىزۋشى ۇيىمداردى الاياقتىق جولمەن ەلەكتر ەنەرگياسىن تۇتىنعانى ءۇشىن تولەم شوتتارىن جازىپ، ەكى جىل بويى كاسىپكەرلەر ەلەكتر ەنەرگياسى ءۇشىن نەگىزسىز اقى تولەپ كەلگەنى انىقتالدى.
وسىلايشا ول جالپى سوماسى 620 ملن تەڭگەدەن استام شىعىن كەلتىرگەن.
ودان ءارى جەدەل-ىزدەستىرۋ شارالارى بارىسىندا جوعارىدا اتالعان ج ش س ديرەكتورىنىڭ مامىلەلەر ارقىلى قىلمىستىق جولمەن الىنعان اقشالاي قاراجاتتاردى زاڭدى اينالىمعا تۇسىرگەنى انىقتالدى.
سوت قاۋلىسىمەن جالپى سوماسى 134 ملن تەڭگەدەن استام جەر تەلىمدەرى مەن قۇرال-جابدىقتارعا قاماۋعا الىندى.
سوت ۇكىمىمەن ج ش س ديرەكتورى كىنالى دەپ تانىلىپ، مۇلكى تاركىلەنىپ، 6،5 جىلعا باس بوستاندىعىنان ايىرىلدى.