جاڭا ماتەريال الدەقايدا بەرىك.
الماتىدا اسفالتتىڭ جاڭا ءتۇرى سىناقتان وتكىزىلىپ جاتىر. بۇل تۋرالى قالالىق اكىمدىكتىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
اكىمدىكتىڭ مالىمەتىنشە، پوليمەرلى بيتۋم نەگىزىندەگى اسفالتتى بەتوندى قوسپانى الماتىلىق جول جوندەۋشىلەر قولدانىسقا ەنگىزىپ كوردى. پيلوتتىق جوبا اياسىندا جاڭا قوسپامەن گوگول كوشەسىنىڭ اۆتوبۋس جولاعىنىڭ سولتۇستىك جاعىنداعى ءۇش ۋچاسكەسى جوندەلدى. ماماندار بۇل اۋماقتى جىل بويى باقىلاپ وتىرادى.
«سىنامالار الىنىپ، جابىننىڭ جاي-كۇيىنە مونيتورينگ جۇرگىزىلەدى. بۇل تاجىريبە بارىسىمەن قالا اكىمى ەربولات دوسايەۆ تانىستى. جاڭا ماتەريال الدەقايدا بەرىك جانە جولداردا ويىقتار مەن جارىقتاردىڭ پايدا بولۋىنا جول بەرمەيدى دەپ ەسەپتەلىپ وتىر»،- دەلىنگەن حابارلامادا.