بۇل تۋرالى قالا ءماسليحاتىنىڭ وتىرىسىندا سيفرلاندىرۋ باسقارماسىنىڭ باسشىسى بايان قوڭىربايەۆ ايتتى.
كوممەرسيالىق وبەكتىلەردىڭ بەينەكامەرالارى ازاماتتار كوپ جينالاتىن جەرلەردە جانە كىرۋ توپتارىندا عانا قوسىلاتىن بولادى، دەپ حابارلايدى Almaty-akshamy.kz.
«الماتى قالاسىندا بەينەباقىلاۋ جۇيەلەرىمەن جاراقتاندىرۋ دەڭگەيى ەلىمىزدىڭ باسقا وڭىرلەرىمەن سالىستىرعاندا ايتارلىقتاي جوعارى. مەملەكەت قاتىساتىن جوبالار بويىنشا 30،7 مىڭ بەينەكامەرا جۇمىس ىستەيدى. كوممەرسيالىق ۇيىمداردا بەينەباقىلاۋ جۇيەلەرىن ەسكەرسەك، الماتى قالاسىنداعى كامەرالار سانى 128 مىڭنان اسادى. كوممەرسيالىق وبەكتىلەردىڭ 128 مىڭ كامەراعا دەيىنگى بەينەباقىلاۋ جۇيەلەرىن پايدالانۋ ەسەبىنەن بەينەباقىلاۋ جۇيەلەرىمەن قامتۋ ەداۋىر كەڭەيتىلۋى مۇمكىن، بۇل مەملەكەتتىك جۇيەلەردىڭ كولەمىنەن 4 ەسەدەن اسادى»، – دەدى سپيكەر.
كوممەرسيالىق وبەكتىلەردىڭ بەينەكامەرالارى ازاماتتار كوپ جينالاتىن جەرلەردە جانە كىرۋ توپتارىندا عانا قوسىلاتىن بولادى.
بيزنەس-قۇرىلىمداردىڭ كامەرالارىنان بەينە اعىنداردى پايدالانۋدىڭ زاڭدى نەگىزىن قۇرۋ ماقساتىندا ق ر «الماتى قالاسىنىڭ ەرەكشە مارتەبەسى تۋرالى» زاڭىنا تولىقتىرۋلار ەنگىزىلدى، بۇل دەرەكتەردى بەرۋ ارنالارى ءۇشىن اقى تولەنگەن جاعدايدا، بيزنەس كامەرالارىنان بەينەاعىنداردى وتەۋسىز نەگىزدە جيناۋعا مۇمكىندىك بەرەدى.