الماتى قالاسى بويىنشا قاج دەپارتامەنتىنىڭ №11 مەكەمەسىندە “شەكتەۋسىز وقۋ” جوباسى اياسىندا جازاسىن وتەۋشى جاسوسپىرىمدەر اراسىندا “كىتاپ وقۋعا قۇشتارلىق” بايقاۋى ءوتتى.
وعان الماتى قالاسىنىڭ جامبىل اتىنداعى قالالىق جاسوپىرىمدەر كىتاپحاناسىنىڭ وقىرماندارعا قىزمەت كورسەتۋ ءبولىمىنىڭ مەڭگەرۋشىسى نۇرلىحان جۇماحان جانە شاراينا قۇماروۆا قازىلىق ەتتى. سونىمەن قاتار، مەكەمەدەگى جالپى ءبىلىم بەرەتىن مەكتەپتىڭ وكىلدەرى، ءتىل ماماندارى ا.الييەۆا مەن ە.بۋتەنكو قاتىستى.
بايقاۋعا قاتىسقان ون ءتورت جازالى ءجاسوپىرىم وزدەرى وقىعان ءار شىعارمانىڭ مازمۇنىن، بەرەر تاربيەسىن، جاستارعا ۇلگى بولار تۇسىن ناقتىلاپ جەتكىزە ءبىلدى. سونداي-اق، ولاردىڭ جىردى مانەرلەپ، ناقىشىنا كەلتىرىپ ورىنداۋىنان، قارا ءسوزدى بەرىلە اسەرلى اڭگىمەلەۋىنەن كىتاپتى قىزىعا وقىعاندارىن، سول ارقىلى كوڭىلدەرىنە مەدەۋ، جاندارىنا سايا تاپقاندارى سەزىلدى.
ءىس-شارا بارىسىندا ابايدىڭ، بەيىمبەت ءمايلينىڭ، بەردىبەك سوقپاقبايەۆتىڭ جانە اسقار سۇلەيمەنوۆتىڭ، دەتەكتيۆ شەبەرى اگاتا كريستيدىڭ، ورىستىڭ اتاقتى جازۋشىلارىنىڭ شىعارمالارىمەن قوسا، قازىرگى زامان ادەبيەتى وكىلدەرىنىڭ شىعارمالارى دا تىلگە تيەك بولدى.
ۋاقىتىن بوسقا وتكىزبەي، كوركەم تۋىندى وقۋعا بەت بۇرعان جەتكىنشەكتەردىڭ ەڭبەگى ەلەنىپ، سىي-سىياپات جانە مەكەمە باستىعى اتىنان ماقتاۋ قاعازدار تابىس ەتىلدى.
— جاسوسپىرىمدەردىڭ كىتاپ وقۋعا دەگەن قۇشتارلىعى قۋانتادى ءبىزدى. كىتاپ تا تاربيە قۇرالى. اياعىن جازا باسىپ، سوتتى بولعان جاستار ونداعى كەيىپكەرلەردىڭ ومىرىنەن، سوزىنەن ۇلگى الىپ، جاقسىلىققا ۇمتىلسا، وي تۇيە بىلسە، ءبىز ءۇشىن ۇلكەن جەتىستىك سول، — دەيدى مەكەمە باستىعى ادىلەت پولكوۆنيگى المات سۇلەيمەنوۆ.