2025 جىلعى 5 ماۋسىمدا الماتى قالاسىنداعى الماتى تەحنولوگيا جانە فلوريستيكا كوللەدجىندە، رەسۋرستىق ورتالىق الاڭدارىندا، 9-سىنىپ وقۋشىلارىنا ارنالعان «اشىق ەسىك كۇنى» ءوتتى.
بۇل ءىس-شارا الماتى قالاسىنىڭ ءبىلىم باسقارماسى، الماتى قالاسىنداعى الماتى تەحنولوگيا جانە فلوريستيكا كوللەدجى جانە ينكليۋزيۆتى ءبىلىم بەرۋ ءبولىمىنىڭ ۇيىمداستىرۋىمەن وتكىزىلدى. ءىس-شاراعا الماتى قالاسىنىڭ جالپى ءبىلىم بەرەتىن مەكتەپتەرى مەن ارنايى مەكتەپ-ينتەرناتتارىنىڭ شامامەن 100 وقۋشىسى قاتىستى. ينكليۋزيۆتى ءبىلىم بەرۋ باعىتى بويىنشا ءبىلىم الاتىن №5، №6، №1 جانۇيا مەكتەپ ينتەرناتتارىنان تالاپكەرلەر وقىتۋشىلار، جانە اتا- انالارىمەن بىرگە كەلدى. سونىمەن قاتار، №76، №108، №16 مەكتەپ گيمنازيالارىنان تالاپكەرلەرىمىز قاتىستى.
«اشىق ەسىك كۇنى» باعدارلاماسى كوللەدج ديرەكتورى نۇرىمبەتوۆ ا.ق.-نىڭ قۇتتىقتاۋ سوزىنەن باستالدى، ول وقۋ ورنىنىڭ ميسسياسى، نەگىزگى جەتىستىكتەرى مەن بولاشاق ستۋدەنتتەر ءۇشىن مۇمكىندىكتەرى تۋرالى تولىق ايتىپ ءوتتى. ءىس-شاراعا قاتىسۋشىلاردى سونداي-اق، ارنايى ءبىلىم بەرۋ جانە ينكليۋزيۆتى ءبىلىم بەرۋ سالاسىنداعى تاجىريبەسى بار ۇلتتىق عىلىمي-پراكتيكالىق ورتالىق مامانى سەيسەنوۆا ا.د. قۇتتىقتاپ، ءسوز سويلەدى. سونىمەن قاتار، قاتىسۋشىلارعا كەلەسى مۇمكىندىكتەر ۇسىنىلدى: كوللەدجدىڭ وقۋ اۋديتوريالارىمەن، زەرتحانالارىمەن جانە مامانداندىرىلعان كابينەتتەرىمەن تانىستى، ستۋدەنتتەردىڭ كاسىبي داعدىلارىن جانە شىعارماشىلىق كوزقاراستارىن كورسەتەتىن كوركەمدىك جۇمىستار كورمەسى كورسەتىلدى؛ كوللەدج وقىتۋشىلارى مەن ستۋدەنتتەرى ۇسىنعان وقۋ باعدارلامالارى مەن دايارلىق باعىتتارى تۋرالى پرەزەنتاسيالار تىڭدادى؛ وندىرىستىك وقىتۋ شەبەرلەرىنىڭ ءتۇرلى سالالارداعى تاجىريبەلىك ادىستەرى مەن تەحنولوگيالارىن كورسەتكەن ماستەر-كلاسستارعا قاتىستى؛ وقۋعا قابىلداۋ جانە ءبىلىم الۋ شارتتارى، قابىلداۋ تالاپتارى، قارجىلاندىرۋ مۇمكىندىكتەرى مەن مانساپتىق پەرسپەكتيۆالار تۋرالى كەڭەس الدى؛ ارنايى ءبىلىم الۋ قاجەتتىلىگى بار ستۋدەنتتەر دايىنداعان مەرەكەلىك كونسەرتتى تاماشالادى.
ءىس-شارا بارىسىندا ينكليۋزيۆتى ءبىلىم بەرۋ ماسەلەسىنە ەرەكشە نازار اۋدارىلدى، ارنايى مەكتەپ-ينتەرناتتاردىڭ وكىلدەرى ەرەكشە قاجەتتىلىكتەرى بار ستۋدەنتتەر ءۇشىن ءبىلىم بەرۋ پروسەسىن بەيىمدەۋ تاجىريبەسىمەن ءبولىستى.بۇل ءىس-شارا قوناقتار مەن ۇمىتكەرلەر اراسىندا ۇلكەن قىزىعۋشىلىق تۋدىردى. كوپتەگەن قاتىسۋشىلار وقۋعا قابىلداۋ جايىندا قىزىعۋشىلىق تانىتىپ، وقۋ ورىندارىنا وتىنىشتەرىن قالدىردى. اتا-انالار ستۋدەنتتەردىڭ جوعارى دەڭگەيدە دايىندالعانىن جانە ءبىلىم بەرۋ پروسەسىنىڭ زاماناۋي تاسىلدەرىن اتاپ ءوتتى.
«اشىق ەسىك كۇنى» كوللەدجدىڭ ءبىلىم بەرۋ مۇمكىندىكتەرىن كەڭىنەن ناسيحاتتاۋ ءۇشىن ماڭىزدى وقيعاعا اينالدى. جوعارى دەڭگەيدە ۇيىمداستىرىلعان جانە ءتۇرلى باعدارلامامەن قامتىلعان بۇل ءىس-شارا قوناقتارعا كاسىبي ءبىلىم الۋ پەرسپەكتيۆالارىمەن تانىسۋعا مۇمكىندىك بەردى جانە جاڭا الەۋەتتى ستۋدەنتتەردى تارتتى.