قازاقستان 3 جىلدىڭ ىشىندە سيفرلى ەلگە اينالماق. مەملەكەت باسشىسى قاسىم-جومارت كەمەل ۇلى توقايەۆ بيىلعى قازاقستان حالقىنا ارناعان جولداۋىن «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى سيفرلىق وزگەرىستەر ارقىلى شەشۋ» دەپ اتادى. بۇل قۇجات – ەلىمىزدىڭ جاڭا تاريحي كەزەڭدەگى دامۋ باعىتىن ايقىندايتىن ستراتەگيالىق باعدارلاما بولىپ تابىلادى.
جولداۋدىڭ نەگىزگى وزەگى – جاساندى ينتەللەكتتى (جي) قوعام ءومىرىنىڭ بارلىق سالاسىنا ءتيىمدى ەنگىزۋ، ونى ەكونوميكانى دامىتۋ مەن حالىقتىڭ ءال-اۋقاتىن كوتەرۋدىڭ قۋاتتى قۇرالىنا اينالدىرۋ. بۇگىنگى تاڭدا جي – الەمدىك دامۋدىڭ باستى ترەندى. ول ءبىلىم بەرۋ، دەنساۋلىق ساقتاۋ، اۋىل شارۋاشىلىعى، ونەركاسىپ، بيزنەس جانە مەملەكەتتىك باسقارۋ جۇيەلەرىنە ۇلكەن وزگەرىس اكەلىپ وتىر. قازاقستان دا بۇل ۇدەرىستەن شەت قالماي، جاڭا تەحنولوگيالاردى يگەرۋ ارقىلى وزىق ەلدەردىڭ قاتارىنا قادام باسۋعا ءتيىس.
پرەزيدەنت جولداۋىندا جاساندى ينتەللەكت داۋىرىندەگى ەڭ باستى قۇندىلىق – ادام ەكەنىن ەرەكشە اتاپ ءوتتى. ياعني تەحنولوگيا ادامدى الماستىرۋ ءۇشىن ەمەس، وعان كومەكتەسۋ ءۇشىن جاسالادى. جي حالىقتىڭ تۇرمىسىن جەڭىلدەتۋگە، جاڭا مۇمكىندىكتەرگە جول اشۋعا جانە ەلدىڭ تۇراقتى دامۋىنا قىزمەت ەتۋگە ءتيىس.
سونىمەن قاتار، جولداۋدا سيفرلىق ترانسفورماسيانى جۇزەگە اسىرۋدىڭ ناقتى باعىتتارى بەلگىلەندى. ولاردىڭ قاتارىندا: جاساندى ينتەللەكت ماماندارىن دايارلاۋ، جاڭا بۋىن كادرلارىن قالىپتاستىرۋ؛ عىلىمي-زەرتتەۋ ورتالىقتارىن اشۋ جانە حالىقارالىق ىنتىماقتاستىقتى دامىتۋ؛ سيفرلىق ينفراقۇرىلىمدى جەتىلدىرۋ، ينتەرنەت ساپاسىن ارتتىرۋ؛ ازاماتتاردىڭ سيفرلىق ساۋاتتىلىعىن كوتەرۋ.
بۇل مىندەتتەردىڭ بارلىعى قازاقستاندى وڭىردەگى ءىرى سيفرلىق ورتالىققا اينالدىرۋعا باعىتتالعان، ءتىپتى قازاقستان رەسپۋبليكاسى جاساندى ينتەللەكت جانە سيفرلىق دامۋ مينيسترلىگى قۇرىلدى. جولداۋدى تالقىلاپ مازمۇنىن اشۋ جۇمىستارى حالىق اراسىندا كەڭىنەن جۇرگىزىلۋدە.
وسى ورايدا الماتى كىتاپحانالارىنىڭ №39 بولىمشەسى «باتىر» پرەزيدەنتتىك پولكىنىڭ 0111 اسكەري بولىمىمەن بىرلەسە وتىرىپ «جولداۋ 2025: جاساندى ينتەللەكت جانە سيفرلىق دامۋ – جاڭا داۋىرگە باستار جول» اتتى اۋقىمدى ءىس- شارا وتكىزدى.
جولداۋدىڭ نەگىزگى مازمۇنىن كوپشىلىككە كەڭىنەن ءتۇسىندىرۋ، جاساندى ينتەللەكتتىڭ ەلىمىزدىڭ دامۋىنداعى ءرولىن ايقىنداۋ جانە وسى باعىتتا اتقارىلاتىن جۇمىستارعا قوعامنىڭ نازارىن اۋدارۋ – باستى ماقسات. وسى ورايدا حالىق قالاۋلىسى، الماتى قالالىق ءماسليحاتىنىڭ دەپۋتاتى حالىقارالىق “قازاق ءتىلى” قوعامىنىڭ ۆيسە-پرەزيدەنتى، ءتىل جاناشىرى، مەسەنات دۋلات تۇرسىن ۇلى تاستەكەي ارنايى قوناققا شاقىرىلىپ،. وسى جولداۋدى، مازمۇنىن ، ونىڭ ماڭىزىن ءتۇسىندىرىپ جان جاقتى تالداپ ويىمەن بولىسە كەلە «جاساندى ينتەللەكتىنى كۇندەلىكتى ومىردە پايدالانۋ قاجەتتىلىگىنە توقتالا وتىرىپ، سۇرانىستاردى مۇمكىندىگىنشە قازاق تىلىندە بەرۋ ءتىلىمىزدىڭ قولدانىس اياسىن كەڭەيتۋگە مۇمكىندىك بەرەتىنىن اتاپ ءوتتى».
سونداي-اق 0111 اسكەري ءبولىمى كومانديرىنىڭ ورىنباسارى جۋسەكەيەۆ جاندوس بولاتبەك ۇلى دا پرەزيدەنت جولداۋى – جاي عانا رەسمي قۇجات ەمەس، ءاربىر قازاقستاندىقتىڭ ءومىر ساپاسىن جاقسارتۋعا، قوعامداعى ادىلەتتىلىكتى ورنىقتىرۋعا باعىتتالعان ناقتى باعدارشام ەكەنىن ەرەكشە اتاپ وتسە، اسكەري ءبولىم ساردارلارى مەن ساربازدارى وزدەرىن قىزىقتىرعان سۇراقتارىن قويا وتىرىپ، ءوز كوزقاراستارىن دا ورتاعا سالىپ پىكىر الماستى.
پرەزيدەنت اتاپ وتكەندەي، بۇگىنگى زاماندا جاساندى ينتەللەكت بۇكىل الەمدى وزگەرتىپ جاتىر. ول – تەك تەحنولوگيالىق قۇرال ەمەس، ەكونوميكانى وسىرەتىن، عىلىم مەن ءبىلىمدى دامىتاتىن، حالىقتىڭ تۇرمىسىن جاقسارتاتىن قۋاتتى كۇش.
پرەزيدەنتتىڭ جولداۋى – قازاقستاندى وڭىردەگى جاساندى ينتەللەكت ورتالىعىنا اينالدىرۋعا باعىتتالعان ناقتى جوسپار. جاساندى ينتەللەكت داۋىرىندە باستى ماقسات – ادامدى الماستىرۋ ەمەس، ادامعا كومەكتەسۋ. ول حالىقتىڭ ءال-اۋقاتىن ارتتىرىپ، ءاربىر ازاماتقا جاڭا مۇمكىندىكتەر ۇسىنادى.
بۇل جولداۋ – بولاشاققا سەنىم، ەلىمىزدىڭ وزىق تەحنولوگيالار ەلدەرى قاتارىنان تابىلۋىنا جاسالعان قادام.
جي داۋىرىندەگى قازاقستان – ادىلدىككە، اشىقتىققا، ءبىلىم مەن عىلىمعا نەگىزدەلگەن جاڭا مەملەكەت. بۇل جولدا ءاربىر ازاماتتىڭ اتقارار ۇلەسى زور. شارا سوڭىندا اسكەريلەر دۋلات تۇرسىنۇلىنا ورتالارىنا كەلىپ اقپاراتتارمەن ءبولىسىپ تەرەڭ تۇسىنۋگە اتسالىسقانى ءۇشىن، ال الماتى كىتاپحانالارى قىزمەتكەرلەرىنە وسىناۋ ءىس-شارانى ۇيىمداستىرعاندارى ءۇشىن ريزاشىلىقتارىن ءبىلدىرىپ اسكەري ءبولىم كومانديرىنىڭ العىس حاتىمەن ماراپاتتادى.