الماتى كارديولوگتارى مەن رەنتگەن حيرۋرگتارى ءۇشىن شەبەرلىك ساعاتى ءوتتى

شەبەرلىك ساعاتىنا كۇردەلى اۋرۋى بار 2 پاسيەنت ىرىكتەلدى.

الماتى قالاسىنىڭ ينتەرۆەنسيالىق كارديولوگتارى مەن رەنتگەن حيرۋرگتارى ءۇشىن شەبەرلىك ساعاتى ءوتتى، دەپ حابارلايدى Almaty-akshamy.kz Almaty.tv سىلتەمە جاساپ. 

كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا وتكەن شەبەرلىك ساعاتىنا رف دەنساۋلىق ساقتاۋ مينيسترلىگىنىڭ كارديولوگيا ۇلتتىق مەديسينا زەرتتەۋ ورتالىعىنىڭ باس عىلىمي قىزمەتكەرى يۋريي ءماچيننىڭ قاتىستى. 

عزي باسقارما ءتوراعاسى، م.ع.د.، پروفەسسور روزا كۋانىشبەكوۆانىڭ ايتۋىنشا، كلينيكا باسشىلىعى مامانداردىڭ كاسىبي جاعىنان ءوسۋى، جاڭا ءبىلىم مەن داعدىلاردى يگەرۋى ءۇشىن قاجەتتى جاعدايلاردى جاساپ جاتىر.

"پاسيەنتتەر ساپالى كومەك الۋى ءۇشىن، سونداي-اق مەديسينا سالاسىنداعى يننوۆاسيالار تۋرالى حاباردار بولۋى ءۇشىن تەك قانا دارىگەرلەر عانا ەمەس، سونىمەن قاتار ورتا مەديسينا پەرسونالى دا ۇنەمى وزدەرىنىڭ بىلىكتىلىكتەرىن ارتتىرىپ، ارىپتەستەرىمەن تاجىريبە الماسادى"، - دەيدى روزا ءتوحتانالي قىزى.

شەبەرلىك ساعاتىنا كۇردەلى اۋرۋى بار 2 پاسيەنت ىرىكتەلدى. ەكەۋىنە دە قولقاكورونارلىق شۋنتتاۋ قاجەت، الايدا تامىرىشىلىك ۋدز جۇرگىزگەننەن كەيىن ولارعا مۇنداي وپەراسيا جاساۋدىڭ قاجەتى بولمادى.