اكسيا 30 قىركۇيەككە دەيىن جالعاسادى.
بيىل الماتى قالاسىنىڭ مۇقتاج وتباسىلارىنان شىققان 19 مىڭ وقۋشىعا كومەك كورسەتۋ ءۇشىن اكىمدىك مەكتەپ فورماسى مەن كەڭسە كەرەك-جاراقتارىن ساتىپ الۋعا كومەك كورسەتەدى. بۇل ماقساتقا جەرگىلىكتى بيۋدجەتتەن 800 ملن تەڭگە قاراستىرىلعان. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا مالىمدەدى، دەپ حابارلايدى Almaty-akshamy.kz.
بيىل اكسيا 30 قىركۇيەككە دەيىن جالعاسادى جانە "مەكتەپكە جول - شەكاراسىز جاقسىلىق" ۇرانىمەن وتەدى. ول از قامتىلعان جانە كوپ بالالى وتباسىلاردان شىققان وقۋشىلارعا، جەتىم بالالارعا، سونداي-اق اتا-اناسىنىڭ قامقورلىعىنسىز قالعان بالالارعا وقۋ جىلىنىڭ باستالۋىنا دايىندىق كەزىندە ماتەريالدىق قولداۋ كورسەتۋگە جانە الەۋمەتتىك سەبەپتەر بويىنشا بالالاردىڭ مەكتەپكە كەلمەۋىنىڭ الدىن الۋعا باعىتتالعان.
"ءقازىردىڭ وزىندە مەكتەپتەردە وقۋشىلارعا وقۋ جىلىنا دايىندىققا كومەك كورسەتۋ بويىنشا جۇمىستار جۇرگىزىلۋدە. كومەككە مۇقتاج بالالاردىڭ دەرەكتەر بازاسى قۇرىلدى. ازاماتتاردىڭ وتىنىشتەرىنە جەدەل ارەكەت ەتۋ ءۇشىن جەدەل جەلىلەر، سەنىم تەلەفوندارىنىڭ جۇمىسى ۇيىمداستىرىلدى"، - دەپ حابارلادى باسقارما باسشىسى.
سونىمەن قاتار، قايىرىمدىلىق كومەك كورسەتۋگە دەمەۋشىلەردى، مەسەناتتاردى، مەملەكەتتىك قۇرىلىمداردى تارتۋ بويىنشا جۇمىستار جۇرگىزىلۋدە. بالالارعا مەكتەپكە دايىندالۋعا كومەك كورسەتۋگە تىلەك بىلدىرۋشىلەر تۇرعىلىقتى جەرى بويىنشا اۋداندىق ءبىلىم بولىمدەرىنە نەمەسە تىكەلەي ءبىلىم بەرۋ ۇيىمىنا جۇگىنە الادى.
جەدەل جەلى بايلانىستارى حابارلاندىرۋدا الماتى قالاسى ءبىلىم باسقارماسىنىڭ سايتىندا كورسەتىلگەن.
- الاتاۋ اۋدانى بويىنشا: 87006131198.
- المالى اۋدانى بويىنشا: 87470448553.
- اۋەزوۆ اۋدانى بويىنشا: 87025395397.
- بوستاندىق اۋدانى بويىنشا: 87772806650.
- جەتىسۋ اۋدانى بويىنشا: 87472940554.
- مەدەۋ اۋدانى بويىنشا: 87759194000.
- ناۋرىزباي اۋدانى بويىنشا: 87089359498.
- تۇركسىب اۋدانى بويىنشا: 87479013814.
ءسوز سوڭىندا ءلاززات جىلقىبايەۆا جۋرناليستەردىڭ سۇراقتارىنا جاۋاپ بەرە وتىرىپ، قازىرگى ۋاقىتتا 1 قىركۇيەكتەن باستاپ مەملەكەتتىك مەكتەپتەردىڭ 1-4 سىنىپتارىنىڭ بارلىق وقۋشىلارىن تەگىن تاماقتاندىرۋدى ۇيىمداستىرۋ بويىنشا دايىندىق جۇرگىزىلىپ جاتقانىن حابارلادى.
سونىمەن قاتار، مەملەكەتتىك مەكتەپتەردىڭ وقۋشىلارى قايتارىمدى نەگىزدە 100% تەگىن وقۋلىقتارمەن قامتاماسىز ەتىلەتىنىن، ال 2-سىنىپ وقۋشىلارى جاڭا وقۋلىقتار الاتىنىن ناقتىلادى.