الماتى حالقى قازاق فۋتبولىنىڭ اڭىزىنا اينالعان سەيىلدا بايشاقوۆتى اقتىق ساپارىنا شىعارىپ سالدى.
73 جاسىندا باقيلىق بولعان فۋتبولشىمەن قوشتاسۋعا كەزىندە بىرگە دوپ تەپكەن كوماندالاستارى، تۋعان-تۋىستارى، دوس-جاراندارى، باپكەرلەرى مەن «قايرات» فۋتبول كلۋبىنىڭ تاربيەلەنۋشىلەرى كەلدى. قارالى جيىندا مارقۇمنىڭ جاقىندارىنا مەملەكەت باسشىسى قاسىم-جومارت توقايەۆ جولداعان كوڭىل ايتۋ حاتى وقىلدى، دەپ حابارلايدى Almaty-akshamy.kz. Qazaqstan.tv-عا سىلتەمە جاساپ.
سونداي-اق حالىقارالىق ۋەفا، فيفا ۇيىمدارى باسشىلارى دا كوڭىل ايتۋ حاتتارىن جولداعان.
«سوۆەت وداعىنىڭ ۇلتتىق قۇراماسىنا ويناپ، قازاقتىڭ اتىن كوتەرگەن ازامات ەدى. قاراپايىم ەدى. كەتىپ قالاتىنىن ءبىز بىلمەدىك. مەيىرىمدى ازامات ەدى. بۇكىل قازاقستان فۋتبولىنىڭ تاريحىندا بىزدە سەيىلدا يكرام ۇلى، تيمۋر سەگىزبايەۆ قالىپ وتىر. بۇل كىسىلەردىڭ ەڭبەكتەرى زور»، - دەيدى قازاق فۋتبولىنىڭ ارداگەرى قۇرالبەك وردابايەۆ.
سەيىلدا بايشاقوۆ ۇزاق جىلدار بويى الماتىلىق «قايرات» فۋتبول كلۋبىنىڭ كاپيتانى بولدى. كسرو ۇلتتىق قۇراماسىندا وينادى. كسرو جانە حالىقارالىق سپورت شەبەرى، قازاقستاننىڭ ەڭبەك سىڭىرگەن جاتتىقتىرۋشىسى اتاندى. سپورتتىق مانسابىن ءتامامداعان سوڭ دا ەل فۋتبولى ءۇشىن ايانباي ەڭبەك ەتىپ، جاس سپورتشىلاردى تاربيەلەدى.