«بولاشاق» باعدارلاماسى اياسىندا قۇجاتتاردى قابىلداۋدىڭ ءتورتىنشى لەگى 17 شىلدەدەن 15 قىركۇيەككە دەيىن جالعاسادى.
كونكۋرستىق ىرىكتەۋگە قاتىسۋعا وتىنىمدەر مەملەكەتتىك قىزمەتتەر پورتالى – eGov.kz ارقىلى ونلاين قابىلدانادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بيىل «بولاشاق» ستيپەندياسى ۇمىتكەرلەرىنە قويىلاتىن تالاپتار كۇشەيتىلدى. ەندى ۇمىتكەرلەر شەت ءتىلىن مەڭگەرگەنىن راستاۋى ءتيىس.
اعىلشىن تىلىندە وقۋعا تۇسۋشىلەر تومەندەگى ناتيجە بويىنشا IELTS سەرتيفيكاتىن ۇسىنۋى كەرەك:
- كۆوتالىق سانات بويىنشا 9.0-دەن كەمىندە 5.0.
- ءوز بەتىنشە تۇسكەندەر ساناتى بويىنشا (ماگيستراتۋرا، دوكتورانتۋرا) 9.0-دەن كەمىندە 6.0.
- تاعىلىمداما ساناتى بويىنشا 9.0-دەن كەمىندە 5.0.
جالپى العاندا، بيىل ماگيستراتۋرا جانە رەزيدەنتۋرا باعدارلامالارىنا 395 ستيپەنديا، دوكتورانتۋراعا 50 ستيپەنديا، تاعىلىمدامادان ءوتۋ ءۇشىن 110 ستيپەنديا ءبولىندى.