2024 جىلعا قاراي الماتىنى اينالىپ وتەتىن جاڭا تەمىرجول جەلىسىن سالۋ جوسپارلانىپ وتىر. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ Tengrinews.kz رەسمي ساۋالىنا بەرگەن جاۋابىندا ايتىلعان، دەپ حابارلايدى Almaty-akshamy.kz.
ۆەدومستۆو مالىمەتىنشە، قىتايدان جانە وسى كورشى ەلگە تاسىمالداناتىن كولىك كولەمى جىل سايىن ارتىپ كەلەدى. بارلىق جۇك ءبىرىنشى كەزەكتە الماتى تەمىرجول تورابىنا كەلەدى. ول جەردەن پويىزدار ودان ءارى ءتورت باعىتتا جۇرەدى: شۋ، اقتوعاي، التىنكول جانە الماتى-2. بۇل ءتۇيىن ەڭ كوپ جۇمىس ىستەيتىن ءبولىم ەكەنى اتاپ ءوتىلدى.
"التىنكول-قورعاس" شەكارا وتكەلى ارقىلى قىتايعا/قىتايدان كەلەتىن تەمىرجول ترانزيتتىك باعىتىندا جۇك تاسىمالى قارقىندى وسۋدە. وسى ترانزيتتىك دالىزدە شۋ، اقتوعاي، التىنكول جانە الماتى-2 ءتورت باعىتىنا پويىز قوزعالىسىن قامتاماسىز ەتەتىن الماتى تەمىرجول تورابى ەڭ كوپ جۇمىس ىستەيتىن ۋچاسكە سانالادى. وسىعان بايلانىستى الماتى تورابىنداعى جۇكتەمەنى ازايتۋ ماقساتىندا مينيسترلىك الماتى ۆوكزالىن اينالىپ وتەتىن اينالما تەمىرجول جەلىسىن سالۋ جوباسىن جۇزەگە اسىرىپ جاتىر. ونىڭ ۇزىندىعى - 73 شاقىرىم. ىسكە اسىرۋ مەرزىمى - 2023-2024 جىل"، - دەپ ءتۇسىندىردى ييدم وكىلدەرى.
بۇل جوبانى جۇزەگە اسىرۋ تاۋاردى جەتكىزۋ مەرزىمىن 24 ساعاتقا دەيىن قىسقارتاتىنى حابارلاندى. سونداي-اق، الماتى تەمىرجول تورابىنداعى جۇكتەمەنى 40 پايىزعا ازايتادى.
"بۇگىندە جوبانىڭ جوبالىق-سمەتالىق قۇجاتتاماسىن تۇزەتۋ بويىنشا راسىمدەر جۇرگىزىلىپ جاتىر. جوبالاۋشى باستاپقى مالىمەتتەردى جيناپ، بەرۋ جۇرگىزىلىپ جاتىر. كەشەندى ۆەدومستۆودان تىس ساراپتامادان وڭ قورىتىندى الۋ مەرزىمى 2023 جىلعى ماۋسىمعا بەلگىلەنگەن. سونداي-اق، جوبانى جۇزەگە اسىرۋ ءۇشىن رەسپۋبليكالىق بيۋدجەت قاراجاتى نەمەسە مەملەكەتتىك-جەكەمەنشىك ارىپتەستىك ەسەبىنەن قارجىلاندىرۋ تەتىكتەرى پىسىقتالىپ جاتىر"، - دەپ تولىقتىردى ۆەدومستۆو وكىلدەرى.