بيىل كاسىپورىن ەسەبىنەن 263،6 ملن تەڭگەگە 22 تەحنيكا ساتىپ الىنعان.
«الماتى تازالىق» كاسىپورنى قىس ماۋىسىمىنا دايىن. وڭىرلىك كوممۋنيكاسيالار قىزمەتى الاڭىندا وتكەن بريفينگكە كاسىپورىن ديرەكتورى ادىلەت توقتاسىنوۆ قاتىستى، تازالاۋ تەحنيكالارى مەن جۇمىسشىلاردىڭ قازىرگى دايىندىعى تۋرالى باياندادى، دەپ حابارلايدى Almaty-akshamy.kz.
الماتى قالاسى اكىمدىگىنىڭ «الماتى تازالىق» كاسىپورنىنىڭ ديرەكتورى ادىلەت توقتاسىنوۆتىڭ ايتۋىنشا، قىس كەزىندە كاسىپورىن 704 مامانداندىرىلعان تەحنيكانى (612 بىرلىك جەكەمەنشىك جانە 92 بىرلىك قوسالقى مەردىگەرلەر) جۇمىلدىرادى.
«قازىرگى ۋاقىتتا 173 قۇرامالى تازالاۋ ماشينالارىنىڭ 156-سى (90%) جولداردى قىستا كۇتىپ ۇستاۋعا ارنالعان قوندىرمالارمەن اۋىستىرىلدى. 8 جانە 16 قاراشادا جاۋعان قار كەزىندە 2105 توننا تەحنيكالىق تۇز جانە 1998 توننا قۇم-تۇز قوسپاسى جۇمسالدى. قالا كوشەلەرىنەن قار ۇيىندىلەرىنە 388 تەكشە مەتر قار شىعارىلدى»، - دەدى وكق سپيكەرى.
سونداي-اق، ونىڭ ايتۋىنشا، قىسقى ماۋسىمعا كاسىپورىننىڭ 728 جول جۇمىسشىسى، 272 مەحانيزاتور جانە 398 جۇرگىزۋشىسى جۇمىلدىرىلادى (كاسىپورىننىڭ جالپى شتات سانى 1728 ادام). سونىمەن قاتار، كۇزگى-قىسقى كەزەڭگە قوسالقى مەردىگەرلەر ەسەبىنەن قالا كوشەلەرىندەگى جاپىراقتار مەن قاردى تازالاۋ جانە شىعارۋ ءۇشىن 1000-عا جۋىق جول جۇمىسشىلارىن جانە 200-گە جۋىق ارنايى تەحنيكانى (ساموسۆالدار، الدىڭعى تيەگىشتەر) تارتۋ جوسپارلانۋدا.
سونداي-اق «الماتى تازالىق» مەكەمەسىنىڭ ديرەكتورى كاسىپورىننىڭ 7 وندىرىستىك بازاسى، سونداي-اق 7 قۇم بازاسى بار ەكەنىن ايتتى. ولاردىڭ بارلىعى قاجەتتى ماتەريالدىق-تەحنيكالىق رەسۋرستارمەن جابدىقتالعان.
جول بولىگىنە كوكتايعاققا قارسى ماتەريالدار سەبۋ ءۇشىن 15 مىڭ توننا تۇز جانە 38 مىڭ توننا تۇز قالدىعى ساتىپ الۋ جوسپارلانۋدا، ونىڭ ىشىندە 17 مىڭ تونناعا جۋىق تۇز جانە 38 مىڭ توننا تۇز قالدىعى دايىندالدى. قوسالقى مەردىگەرلەر 2124 توننا تۇز، 9700 توننا تۇز قالدىعىن دايىنداۋ جوسپارلاپ وتىر.
ايتا كەتۋ كەرەك، بيىلعى جىلدىڭ سوڭىنا دەيىن كوممۋنالدىق ينفراقۇرىلىمدى دامىتۋ باسقارماسى 669،3 ملن تەڭگەگە 17 تەحنيكا ساتىپ الۋدى جوسپارلاپ وتىر .
ءسوز سوڭىندا وكق سپيكەرى بيىلعى جىلى كاسىپورىن ەسەبىنەن 263،6 ملن تەڭگەگە 22 تەحنيكا ساتىپ الىنعانىن قوستى. بۇل - تراكتوردىڭ جارتىلاي تىركەمەسى، بيتۋم پەشى جانە ت.ب تەحنيكالار.
