وڭىرلىك كوممۋنيكاسيالار قىزمەتى الاڭىندا وتكەن باسپا ءسوز كونفەرەنسياسىندا الماتى قالاسى سپورت باسقارماسىنىڭ باسشىسى دارحان نۇرحان ۇلى وسىلاي دەپ مالىمدەدى. ول جوعارى جەتىستىكتەر سپورتىن دامىتىپ، كاسىبي سپورتشىلاردى دايارلاۋ ءۇشىن قانداي جاعداي جاسالىپ جاتقانىن ايتتى.
2022 جىلدان بەرى الماتىدا سپورت باسقارماسىنا قاراستى بارلىق ۇيىمدى سپورت جابدىقتارىمەن قامتيتىن جۇيەلى باعدارلاما جۇزەگە اسا باستاعان.
سپيكەردىڭ ايتۋىنشا، بىلتىر وسىعان 1 ملرد تەڭگە ءبولىنىپتى. سونىڭ ارقاسىندا سپورت مەكتەپتەرى، دايارلاۋ ورتالىقتارى مەن وزگە مەكەمەلەر حالىقارالىق ستاندارتتار مەن جوعارى دەڭگەيدەگى سپورتشىلاردى دايارلاۋ تالابىنا ساي كەلەتىن سپورتتىق قۇرال-جابدىقپەن تولىق قامتاماسىز ەتىلگەن.
سونداي-اق مەسەناتتار مەن دەمەۋشىلەردىڭ ۇلەسىنە ەرەكشە نازار اۋدارىلدى. 2025 جىلى بيزنەس وكىلدەرىنىڭ قولداۋىنىڭ ارقاسىندا الماتىلىق سپورتشىلارعا شامامەن 400 ملن تەڭگە كولەمىندە قوسىمشا كومەك كورسەتىلدى.
الماتىدا جوعارى جەتىستىكتەر سپورتىن جۇيەلى قولداۋ قالا اكىمى دارحان ساتىبالدىنىڭ تاپسىرماسىمەن جۇزەگە اسىپ جاتىر. ونىڭ باستامالارى مەن سپورت سالاسىن دامىتۋعا كورسەتىپ وتىرعان ەرەكشە نازارىننىڭ ارقاسىندا قالادا حالىقارالىق دەڭگەيدەگى سپورتشىلاردى دايارلاۋ ءۇشىن قاجەتتى جاعدايلار جاسالدى، سونداي-اق مەملەكەت پەن الەۋمەتتىك جاۋاپتى بيزنەستىڭ اراسىنداعى بايلانىس پەن ىنتىماقتاستىق تا نىعايا تۇسكەن.
«بيزنەس وكىلدەرىنىڭ بۇعان بەي-جاي قاراي الماي، سپورتتى دامىتۋعا بەلسەنە ارالاسىپ، سپورتشىلارىمىزدى قولداپ، ولاردى جاڭا جەڭىسكە جەتۋگە ىنتالاندىرىپ، ۇلەس قوسىپ جاتقانى قۋانتادى»، – دەيدى دارحان نۇرحان ۇلى.
سپورت باسقارماسى باسشىسىنىڭ ايتۋىنشا، مەملەكەت پەن جەكە سەكتور اراسىنداعى ىنتىماقتاستىق جوعارى جەتىستىكتەر سپورتىن دامىتۋدا ماڭىزدى فاكتورعا اينالدى. بيۋدجەت قارجىسى مەن بيۋدجەتتەن تىس قولداۋدىڭ ۇيلەسۋى سپورتشىلاردىڭ دايىندىق دەڭگەيىن ارتتىرۋعا عانا ەمەس، بولاشاقتاعى حالىقارالىق جەتىستىكتەرگە بەرىك نەگىز قالاۋعا مۇمكىندىك بەرىپ وتىر.
باسپا ءسوز كونفەرەنسياسىنىڭ قورىتىندىسىندا الماتىدا سپورتشىلار مەن سپورت ۇيىمدارىن قولداۋ جاعى الداعى ۋاقىتتا دا كەڭەيە تۇسەتىنى، الەۋمەتتىك جاۋاپتى بيزنەستى وسى ىسكە تارتۋ قالانىڭ سپورت باسقارماسىنىڭ نەگىزگى باعىتتارىنىڭ ءبىرى بولىپ قالا بەرەتىندىگىن اتاپ ءوتتى.