«الماتى جازى» اكسياسى اياسىندا جول ينفراقۇرىلىمى وبەكتىلەرى تارتىپكە كەلتىرىلەدى

«الماتى جازى» اكسياسى جالپى رەسپۋبليكالىق «تازا قازاقستان» اكسياسى اياسىندا وتكىزىلىپ، اعىمداعى جىلدىڭ 6 شىلدەسىنە دەيىن جالعاسادى. 

تازالىق پەن ءتارتىپتى ساقتاۋ ماقساتىندا قالا كوشەلەرىندە 624 ايالداما كەشەنى، 90 باعدارشام نىسانى جانە 2 181 جول بەلگىسى باعانى جۋىلدى، دەپ حابارلايدى اlmaty-akshamy.kz. 

5000-نان استام ارنايى تەحنيكا ءجۇرىس بولىكتەرى مەن تروتۋارلاردى، سونداي-اق اۋلا ۋچاسكەلەرىن سىپىرۋعا جۇمىلدىرىلعان. بۇگىنگى تاڭدا 41 مىڭ شارشى مەتردەن استام جولدار مەن تروتۋارلاردىڭ ءجۇرىس بولىگى، 200 كم نوسەر كارىزى تازارتىلدى، قالانىڭ 272 كوشەسىندە ءشوپ شابىلدى. سونداي-اق 3 760 اۋلا ۋچاسكە سىپىرىلدى، قوقىستان تازارتىلدى.

ايالداما كەشەندەرى مەن اۋلا اۋماقتارىن تازالاۋمەن قاتار، ورىندىقتار مەن كوشە ۋرنالارى سياقتى قالالىق ينفراقۇرىلىمنىڭ اجىراماس ەلەمەنتتەرىن جوندەۋ جانە سىرلاۋ جۇمىستارى جۇرگىزىلۋدە. مەردىگەرلىك ۇيىمدار 7 049 ورىندىق پەن 11 351 كوشە ۋرناسىن جۋدى.

 «الماتى جازى» اكسياسى بارىسىندا اعىمداعى جىلدىڭ 26 ماۋسىمى مەن 6 شىلدەسى ارالىعىندا قالادا 798 ايالداما كەشەنىن، 122 باعدارشام نىسانىن، 3 181 جول بەلگىلەرىن شاڭنان جانە لاستانۋدان تازارتۋ (جۋۋ) جۇمىستارى جۇرگىزىلەتىن بولادى.