95 جاتاقحانانىڭ 20-سى وقۋ جىلىنا دايىن ەمەس، بەسەۋىنىڭ جاعدايى مۇشكىل.
الماتىدا جوعارى وقۋ ورىندارىنىڭ جاتاقحانالارى تەكسەرىلدى، دەپ حابارلايدى Almaty-akshamy.kz
«كتك» تەلەارناسىنىڭ اقپاراتىنا سايكەس، جاتاقحانالاردى دەپۋتاتتار، قوعام بەلسەندىلەرى جانە توتەنشە جاعدايلار دەپارتامەنتى وكىلدەرىنەن قۇرالعان كوميسسيا تەكسەرگەن. تەكسەرۋ بارىسىندا كوپتەگەن كەمشىلىكتەر انىقتالعان. مىسالى، قىزدار پەداگوگيكالىق ۋنيۆەرسيتەتى جاتاقحاناسىنداعى اس ۇيدە سۋ جوق. اكىمشىلىك كۇردەلى جوندەۋگە قارجى جەتپەيدى دەپ وتىر. سوندىقتان قولدا باردان جاعداي جاساۋعا تىرىسادى.
«ۇيىمنىڭ قۇقىقتىق مارتەبەسىنىڭ ءوزى قارجى تارتۋ ءۇشىن بەلگىلى ءبىر ماسەلەلەرمەن اينالىسۋ كەرەك ەكەنىن مەڭزەپ وتىر. مەملەكەت باس تارتپايدى، ءبىراق قىرۋار قارجى تالاپ ەتەتىن ماسەلەلەر بار: جاتاقحانا سالۋ نەمەسە كۇردەلى جوندەۋ، رەكونسترۋكسيا، ت.ب.»، - دەدى قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستراتەگيالىق دامۋ جانە الەۋمەتتىك جۇمىس جونىندەگى پرورەكتورى جانار رىسپەكوۆا.
قازاق سپورت جانە تۋريزم اكادەمياسى جاتاقحاناسىندا قۇرىلىسشىلار جوندەۋ جۇمىستارىن اسىعىس اياقتاپ جاتىر. اۋەلگىدە اكىمشىلىك ستۋدەنتتەرگە ارنالعان تازا، جايلى بولمەلەردى كورسەتكەن. ءبىراق كەيىن باسقا بولمەلەردى دە كورسەتۋگە ءماجبۇر بولعان. ولاردىڭ ەدەندەرى لاس، ەسىكتەرى سىزىلعان جانە توسەك جابدىقتارى ەسكى بولىپ شىقتى. جاتاقحانادا تاراقاندار دا تابىلعان.
بۇل عيماراتتا جۋىنۋ ءۇشىن ستۋدەنتتەرگە جەرتولەگە ءتۇسۋى كەرەك بولادى. سونداي-اق، كىر جۋاتىن بولمە دە سول جەردە. تەكسەرۋشىلەر جىل سايىن بىردەي زاڭ بۇزۋشىلىقتار انىقتالاتىنىن ايتادى. الماتىداعى 95 جاتاقحانانىڭ 20-سى ستۋدەنت قابىلداۋعا دايىن ەمەس، بەسەۋىنىڭ جاعدايى مۇشكىل.
«مونيتورينگ اياقتالعاننان كەيىن ۇسىنىمدار ازىرلەنەدى. ارينە، ءبىز بۇل ماسەلەنى الماتى قالاسى ءماسليحاتىندا قاراستىرامىز. Amanat پارتياسى جانىنداعى ءبىلىم بەرۋ كەڭەستەرىندە ءارى قاراي ۇسىنىستار بەرۋ ارقىلى قاراستىرامىز. جوعارى وقۋ ورىندارىنىڭ باسشىلىعى اتسالىسادى، ويتكەنى پروبلەمالار كوپ جانە شەشۋدى قاجەت ەتەدى»، - دەدى الماتى قالاسى ءماسليحاتىنىڭ دەپۋتاتى ءاسيا اقانوۆا.
ءقازىر شەنەۋنىكتەر ستۋدەنتتەردى قالاي ورنالاستىرۋدى ويلاستىرىپ جاتىر.