«الماتى جاستارى» قالالىق باعدارلاماسى بويىنشا جەڭىلدەتىلگەن نەسيە بەرۋ جونىندە حابارلاندىرۋ
الماتى قالاسىنىڭ اكىمدىگى 15-31 مامىر ارالىعىندا الماتىنىڭ 35 جاسقا دەيىنگى جانە وسى جاسقا تولعانداردان «الماتى جاستارى» قالالىق باعدارلاماسى بويىنشا تۇرعىن ءۇي ساتىپ الۋ ءۇشىن جەڭىلدەتىلگەن تۇرعىن ءۇي زايمدارىن الۋعا وتىنىشتەر مەن قۇجاتتاردى قابىلداۋدىڭ باستالعانى تۋرالى حابارلايدى.
باعدارلاماعا قاتىسۋ ءۇشىن ءوتىنىشتى www.almaty-zhastary.kz سايتى ارقىلى تاپسىرۋعا بولادى. سايتتا اۆتوريزاسيالاۋ ەلەكتروندىق سيفرلىق قولتاڭبا (ەسق) ارقىلى جۇرگىزىلەدى.
الماتى قالاسىنىڭ اكىمى ە.ا. دوسايەۆتىڭ تاپسىرماسى بويىنشا باعدارلاما شەڭبەرىندە قوسىمشا قاراجات ءبولىنىپ، جاس مۇعالىمدەر مەن دارىگەرلەر ءۇشىن تاعى 100 قارىزعا ليميت ۇلعايتىلدى، مۇعالىمدەر ءۇشىن 50 جانە دارىگەرلەر ءۇشىن 50.
ەسكە سالساق، الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا جاس مۇعالىمدەر مەن دارىگەرلەر ءۇشىن باعدارلاما اياسىندا قوسىمشا قارجى ءبولىندى جانە ليميت 100 زايمعا ۇلعايتىلدى: مۇعالىمدەر ءۇشىن – 50، دارىگەرلەر ءۇشىن – 50.
باعدارلاما اياسىندا نەسيە بەرۋدىڭ شارتتارى:
- زايمنىڭ ەڭ جوعارى سوماسى– 18 ملن تەڭگەگە دەيىن؛
- پايىزدىق مولشەرلەمە – 5%؛
- باستاپقى جارنا – 10%؛
- باستاپقى جانە قايتالاما تۇرعىن ءۇي ساتىپ الۋ مۇمكىندىگى؛
- قامتۋ– 1 100 ادامنان كەم ەمەس.
قاتىسۋ ءۇشىن نەگىزگى تالاپتار:
- قاتىسۋشىنىڭ جاسى 35 جاسقا دەيىن (35 جاسقا تولعانداردى قوسا العاندا)،ءوتىنىش بەرۋ كەزىندە، جۇبايىنىڭ (زايىبىنىڭ) جاسىنا قاراماستان (بار بولسا). باعدارلاماعا نەگىزگى قاتىسۋشى رەتىندە ەرلى-زايىپتىلاردىڭ بىرەۋى عانا قاتىسا الادى؛
- ۇمىتكەردە جانە ونىڭ وتباسى مۇشەلەرىندە مەنشىك قۇقىعىندا تۇرعىن ءۇيدىڭ، سونداي-اق قازاقستان رەسپۋبليكاسىنىڭ اۋماعىندا سوڭعى 5 جىل ىشىندە تۇرعىن ءۇي جاعدايىنىڭ ادەيى ناشارلاۋى فاكتىلەرىنىڭ بولماۋى.
- قاتىسۋشىنىڭ الماتى قالاسىندا كەلەسى ساناتتار بويىنشا مىندەتتى زەينەتاقى اۋدارىمدارىمەن كەم دەگەندە سوڭعى 6 اي ىشىندە رەسمي جۇمىس ءوتىلىنىڭ بولۋى: دەنساۋلىق ساقتاۋ، ءبىلىم بەرۋ، مادەنيەت، سپورت، جوو-لار جانە عزي، جۋرناليستەر، الەۋمەتتىك سالا، قۇقىق قورعاۋ ورگاندارى جانە قالالىق كوممۋنالدىق قىزمەتتەرى.
تولىق اقپارات www.almaty-zhastary.kz سايتىندا ورنالاستىرىلعان.
انىقتاما تەلەفونى: +7 (727) 225 14 57 (الماتى قالاسى كوممۋنالدىق ينفراقۇرىلىمدى دامىتۋ باسقارماسى).