2025 جىلعى 17 قاراشادا الماتى قالاسىنىڭ «№15 گيمنازيا» كمم-دە الماتى قالاسىنىڭ جاس سايلاۋشىلار كلۋبتارىنىڭ مۇشەلەرى قازاقستان رەسپۋبليكاسى پارلامەنتى سەناتىنىڭ دەپۋتاتى اسانوۆا جاننا بەيسەنتايقىزىمەن كەزدەستى، - دەپ حابارلايدى Aqshamnews.kz.
كەزدەسۋ بارىسىندا جاننا بەيسەنتاي قىزى ءوز تاجىريبەسىمەن ءبولىستى، قۇندى كەڭەستەر بەردى، سونداي-اق جاس جانە بولاشاق سايلاۋشىلاردىڭ كوپتەگەن سۇراقتارىنا جاۋاپ بەردى. قاتىسۋشىلار وزدەرىن قىزىقتىرعان سۇراقتارىن قويىپ، بەلسەندىلىك تانىتتى. جاستار تاراپىنان كەرى بايلانىس جاننا بەيسەنتايقىزىنا ۇنادى.
ول جاستاردىڭ ەلدىڭ ساياسي-قوعامدىق ومىرىنە جوعارى قىزىعۋشىلىق تانىتىپ، قالا مەن مەملەكەتتىڭ دامۋىنا ءوز ۇلەسىن قوسۋعا ۇمتىلاتىنىنا تاڭدانىسىن ءبىلدىردى. كەزدەسۋ سوڭىندا جاننا بەيسەنتاي قىزى وسىنداي ديالوگ الاڭدارىنىڭ ماڭىزدىلىعىن اتاپ ءوتتى، وندا ءاربىر ادام ءوز پىكىرىن ەركىن ايتا الادى جانە بيلىك وكىلدەرىنەن تىكەلەي جاۋاپ الا الادى.
جاس سايلاۋشىلار دەپۋتاتقا مازمۇندى جانە اشىق اڭگىمە ءۇشىن العىس ءبىلدىرىپ، مۇنداي ءىس-شارالار ولاردى نەعۇرلىم بەلسەندى جانە جاۋاپتى ازامات بولۋعا ىنتالاندىراتىنىن اتاپ ءوتتى.
