الماتى جارتىلاي مارافونى تۇڭعىش پرەزيدەنت ساياباعىنان باستالادى

الماتى پوليسياسى كورسەتىلگەن شارالاردى ءتۇسىنىپ، وزدەرىنىڭ قوزعالىس باعىتىن الدىن الا رەتتەۋگە جانە جول ەرەجەلەرىن قاتاڭ ساقتاۋعا شاقىرادى.

20 ماۋسىم كۇنى الماتى جارتىلاي مارافونىنا قاتىسۋشىلاردىڭ قاۋىپسىزدىگىن قامتاماسىز ەتۋ ماقساتىندا جارتىلاي مارافون قاشىقتىعى وتەتىن جەرلەردە كولىك قوزعالىسى 00:00-دەن 12:30-عا دەيىن ءىشىنارا شەكتەلەدى،– دەپ حابارلايدى Almaty-akshamy.kz  Polisia.kz سايتىنا سىلتەمە جاساپ.

الماتى پوليسياسى قالالىقتاردى كورسەتىلگەن شارالاردى ءتۇسىنىپ، وزدەرىنىڭ قوزعالىس باعىتىن الدىن الا رەتتەۋگە جانە جول ەرەجەلەرىن قاتاڭ ساقتاۋعا شاقىرادى. جارتىلاي مارافون تۇڭعىش پرەزيدەنت ساياباعىنان باستاۋ الادى.

جارىس وتەتىن كۇنى جولداردى جابۋ كەستەسى تومەندەگىدەي:

ءال-فارابي داڭعىلىنىڭ سولتۇستىك جاعىمەن مۇستافيننەن نازاربايەۆقا دەيىنگى جول ۋچاسكەسىندەگى قوزعالىس 07:00-دەن 12:00-گە دەيىن جابىق بولادى.

ءال-فارابي داڭعىلىنداعى شاشكين كوشەسىنەن نازاربايەۆ داڭعىلىنا دەيىنگى قوزعالىس 03:00-دەن 11:30-عا دەيىن جابىق بولادى.

ءال-فارابيدىڭ وڭتۇستىك جاعى كولىك قوزعالىسى ءۇشىن بوس. ءال-فارابي داڭعىلى بويىمەن ناۆويدەن روزىباكييەۆكە دەيىنگى قوزعالىس 06:30-دان 08:00-گە دەيىن جابىق بولادى. بارلىق جولاقتار تولىقتاي جابىلادى.

 ساين كوشەسى ءال-فارابي داڭعىلىنان اباي داڭعىلىنا دەيىن ساعات 07:00-دەن 12:00-گە دەيىن جابىق بولادى. باتىس جاعى كولىك قوزعالىسى ءۇشىن بوس.

سەيفۋللين داڭعىلىنداعى قوزعالىس ءال-فارابي داڭعىلىنان اباي داڭعىلىنا دەيىن ساعات 07:00-دەن 12:30-عا دەيىن جابىق بولادى. بارلىق جولاقتار تولىقتاي جابىلادى.

اباي داڭعىلى ساين كوشەسىنەن سەيفۋللين داڭعىلىنا دەيىن 07:20-دان 12:30-عا دەيىن جابىق بولادى. سولتۇستىك جاعى كولىكتەر ءۇشىن اشىق بولادى.