الماتى يندۋستريالدى ايماعىندا بيىل قانداي كاسىپورىندار ىسكە قوسىلدى؟
الماتى يندۋستريالدى ايماعى جەكە كاسىپكەرلىككە مەملەكەتتىك قولداۋ كورسەتۋ ماقساتىندا قۇرىلدى جانە الماتى قالاسىندا ونەركاسىپتىڭ باسىم سالالارىن (ماشينا جاساۋ، تاماق، جەڭىل، فارماسيەۆتيكا، حيميا ونەركاسىبى، لوگيستيكا، قۇرىلىس ماتەريالدارىنىڭ ءوندىرىسى) دامىتۋ ءۇشىن كوزدەلگەن. بۇل رەتتە، ونەركاسىپ كاسىپورىندارىن قالانىڭ تۇرعىن اۋدانىنان باسقا جاققا قايتا ورنالاستىرۋعا، تەحنولوگيالىق، يننوۆاسيالىق ونىمدەر شىعارۋعا، يمپورتتى اۋىستىرۋعا باعىتتالعان ينۆەستيسيالىق جوبالارعا باسىمدىق بەرىلەدى.
الماتى يندۋستريالدى ايماعىندا 2،9 مىڭ جۇمىس ورنى قۇرىلعان.
بۇگىندە الماتى يندۋستريالدى ايماعىندا جەكە ينۆەستيسياسى 119،8 ملرد. تەڭگەنى قۇرايتىن 20 جوبا ىسكە اسىرىلدى، 647،5 ملرد. تەڭگەگە ءونىم ءوندىرىلدى، 20،7 ملرد. تەڭگە سالىق اۋدارىمدارى تولەندى، 2 913 جۇمىس ورنى قۇرىلدى.
2022 جىلى 65 جۇمىس ورنى قۇرىلا وتىرىپ، سوماسى 4،6 ملرد. تەڭگەنى قۇرايتىن «كاز-ديا-تەست» ج ش س زاۋىتى ىسكە قوسىلدى. جىلدىڭ سوڭىنا دەيىن 211 جۇمىس ورنىن قۇرا وتىرىپ، جالپى سوماسى 6،8 ملرد. تەڭگەنى قۇرايتىن 5 كاسىپورىندى («VALTHERM»، «City Stone»، «TEPLOSTIL»، «Stroy Production»، «ەلەكتروبار») ىسكە قوسۋ جوسپارلانىپ وتىر. بۇدان باسقا، 2022 جىلى جەكە ينۆەستيسيانىڭ جالپى سوماسى 1،5 ملرد. تەڭگەنى قۇرايتىن، جالپى الاڭى 15 300 شارشى مەتر بولاتىن 4 شاعىن ونەركاسىپتىك پاركتى ىسكە قوسۋ جوسپارلانىپ وتىر.
ونەركاسىپتىك ايماق اۋماعىندا بارلىق قاجەتتى ينفراقۇرىلىم – گازبەن قامتاماسىز ەتۋ، سۋمەن قامتاماسىز ەتۋ، ەلەكتر ەنەرگياسى، كارىز قۇبىرى، نوسەر كارىزى، ينتەرنەت، كابىلدىك تەلەفونيا، جول جەلىسى بار، «يندۋستريالدى» جەكە تەمىرجول ستانسياسىنىڭ قۇرىلىسى جۇرگىزىلۋدە.
وتاندىق جەڭىل اۆتوموبيلدەر وندىرەتىن Hyundai زاۋىتى — وتاندىق اۆتوونەركاسىپتى دامىتۋ ءۇشىن ستراتەگيالىق نىسان بولىپ تابىلادى، ول ەكونوميكانى وسىرۋگە جانە ءارتاراپتاندىرۋعا ۇلەسىن قوسىپ، ەلدىڭ يننوۆاسيالىق دامۋ دەڭگەيىن ارتتىرىپ، كاسىبي كادرلاردىڭ ءوسىمىن قامتاماسىز ەتىپ، قازاقستاندىق نارىقتى جاڭا اۆتوموبيلدەرمەن تولتىرادى جانە تمد ەلدەرىنە ەكسپورتتى قامتاماسىز ەتۋ باعىتىندا جۇمىس اتقارادى.
كاسىپورىن جانە ونداعى دانەكەرلەۋ، بوياۋ، قۇراستىرۋ، پلاستيك بولشەكتەردى بوياۋ سەحتارى مەن كومپونەنتتەر قويماسى وڭتۇستىك كورەيادا وندىرىلگەن ەڭ سوڭعى ۇلگىدەگى جابدىقتارمەن جابدىقتالعان. كاسىپورىندا Hyundai جوعارى ساپاسىن Hyundai Motor Company ينجەنەرلەرىنىڭ قاداعالاۋىمەن ماشينا قۇراستىرۋ سالاسىنىڭ تاجىريبەلى ماماندارى قامتاماسىز ەتەدى.
جىل باسىنان بەرى الماتىنىڭ يندۋستريالدى ايماعىندا Hyundai Trans Kazakhstan زاۋىتى 20 680 كولىك شىعاردى. بيىلعى جىلدىڭ سوڭىنا دەيىن تاعى 10 مىڭ، ال 2023 جىلى 40 مىڭ اۆتوكولىك شىعارۋ جوسپارلانۋدا. بۇل رەتتە قازاقستاندا Hyundai برەندىنىڭ ساتىلىمى 20 334 بىرلىكتى قۇرادى، بۇل وتكەن جىلعى كەزەڭنەن 14،5%-عا ارتىق.
قازىرگى ۋاقىتتا «استانا موتورس» الماتىنىڭ يندۋستريالدى ايماعىندا Youngsan، Motrex، نورپلاست شەتەلدىك سەرىكتەستەرىمەن بىرلەسىپ HYUNDAI اۆتوموبيلدەرىنە ارنالعان تاعى ءۇش اۆتوموبيل ورىندىقتارىن، پوليۋرەتاندى كىلەمشەلەردى، قاپتامالاردى، شاشىراتقىشتاردى جانە مۋلتيمەديالىق جۇيەلەردى شىعاراتىن زاۋىتتىڭ قۇرىلىسىن جوبالاۋدا. جوباعا ينۆەستيسيا $15 ملن. قۇرايدى، كاسىپورىنداردا 175 جۇمىس ورنى قۇرىلادى. وندىرىستەردى ىسكە قوسۋ 2024 جىلدىڭ ءبىرىنشى توقسانىنا جوسپارلانعان.
«استانا موتورس» جاھاندىق ماقساتى – وندىرىلەتىن اۆتوموبيلدەردەگى قازاقستاندىق قامتۋدى ارتتىرۋ. ءوندىرىس كولەمىن ۇلعايتۋ ءۇشىن كومپانيا قىتايدىڭ ءۇش كولىك شىعاراتىن زاۋىت سالۋعا كىرىسەدى: Changan – ءوندىرىس كولەمى بويىنشا قحر-داعى №1 برەند، Chery – قحر-داعى ەكسپورت بويىنشا كوشباسشىسى جانە Haval – جۇڭگو نارىعىندا 4ء-شى ورىندا تۇرعان Great Wall Motor اۆتوكونسەرنىنىڭ قوسالقى برەندى. كاسىپورىننىڭ وندىرىستىك قۋاتى دانەكەرلەۋ جانە بوياۋ ادىسىمەن وندىرىلگەن جىلىنا 90 مىڭ اۆتوكولىكتى قۇرايدى. جوسپار بويىنشا زاۋىت 2025 جىلى اشىلادى، وندا 2،2 مىڭ جاڭا جۇمىس ورنى اشىلادى. ايتا كەتەرلىگى، ءقازىر Hyundai Trans Kazakhstan زاۋىتىندا 800 ادام جۇمىس ىستەيدى.
الماتىنىڭ يندۋستريالدى ايماعىندا تاماق ونەركاسىبى سالاسىندا جاقسى تانىلعان كاسىپورىنداردىڭ ءبىرى – «بيجان» ەت وڭدەۋ زاۋىتى. جىل سايىن «بيجان» ەوز 5 مىڭ توننا ءونىمدى وندىرەدى.
جىل سايىن الماتىنىڭ يندۋستريالدى ايماعىنداعى «بيجان» ەت وڭدەۋ زاۋىتى 5 مىڭ توننادان استام ءونىم وندىرەدى. اسسورتيمەنتتە شۇجىق ونىمدەرى مەن جارتىلاي فابريكاتتاردىڭ 100-گە جۋىق اتاۋى بار.
ءونىمنىڭ ۇنەمى جوعارى ساپاسى 3 نەگىزگى فاكتور ەسەبىنەن قامتاماسىز ەتىلەدى:
1.مەنشىكتى شيكىزات.«بيجان» ءموز-نىڭ اقمولا وبلىسىندا ءوزىنىڭ بورداقىلاۋ الاڭى مەن سويۋ سەحى بار، ياعني گمو، سويا جانە باسقا دا زياندى قوسپالارى جوق شۇجىقتارعا ارنالعان ەت.
2.ەڭ جاڭا جابدىق.زاۋىتتىڭ تەحنولوگيالارى قازاقستاندىق عانا ەمەس، ەۋروپالىق ستاندارتتارعا دا ساي كەلەدى. تاۋلىگىنە ونىڭ قۋاتى 20 توننا شۇجىق ونىمدەرىن شىعارۋعا مۇمكىندىك بەرەدى.
3.ادامدار.بۇگىنگى تاڭدا كاسىپورىندا 250 ادام جۇمىس ىستەيدى، ولاردىڭ ءارقايسىسى ءوز ءىسىنىڭ جوعارى كاسىبي مامانى.
«ءبىزدىڭ ءونىمىمىز كوپتەگەن ماراپاتتارعا يە، ونىڭ ىشىندە رەسپۋبليكالىق دەڭگەيدەگى «قازاقستاننىڭ ۇزدىك تاۋارى» ايىرىم بەلگىسى جانە ق ر پرەزيدەنتىنىڭ «التىن ساپا» سىيلىعى بار»، – دەيدى «بيجان» ەوز» ءجشس-نىڭ باس ديرەكتورى حاديشا بيجان.
ايتا كەتەيىك، كوكشەتاۋدا «بيجان» كومپانياسىنىڭ شۇجىق جانە كونسەرۆى ونىمدەرىن شىعاراتىن كومبيناتى دا تابىستى جۇمىس ىستەۋدە.
بيىل الماتى اكىمى ەربولات الماتىنىڭ يندۋستريالدى ايماعىنداعى ەكى جاڭا كاسىپورىندى ىسكە قوستى.
ەربولات دوسايەۆ الماتىدا بىردەن ەكى كاسىپورىننىڭ – تاۋ-كەن ءوندىرۋ جابدىقتارىن ءوندىرۋ جانە قىزمەت كورسەتۋ سالاسىنداعى الەمدىك كوشباسشىنىڭ سۋپەرسەرۆيسى Weir Minerals جانە دياگنوستيكالىق تەست-جۇيەلەرىن وندىرەتىن «قاز-ديا-تەست» ءجشس-تىڭ ىسكە قوسىلۋىنا قاتىستى.
Weir Minerals كومپانياسىنىڭ الەمدىك كوشباسشىسىنىڭ سۋپەر سەرۆيسىن كazstroy Trade ج ش س الماتى يندۋستريالدى ايماعىنداعى شاعىن ونەركاسىپ ساياباعىندا جۇزەگە اسىرادى. 2450 شارشى مەتر الاڭدا ەنەرگەتيكالىق سەكتور، تاۋ-كەن ءوندىرۋ سالاسى جانە جالپى ماقساتتاعى ونەركاسىپ ءۇشىن شلام جابدىعىن شىعارۋ جوسپارلانۋدا: سورعىلار، گيدروسيكلوندار، كلاپاندار، ەلەۋگە ارنالعان جابدىق، رەزەڭكە جانە توزۋعا ءتوزىمدى فۋتەروۆكالار. جوسپارلانعان وندىرىستىك قۋاتى – جىلىنا600 بىرلىك ءونىم. جوباعا سالىنعان جالپى ينۆەستيسيا 1،25 ملرد تەڭگەنى قۇرادى. كاسىپورىن 60-تان استام جاڭا جۇمىس ورنىن اشادى.
جوبانى ىسكە اسىرۋ ءوز قىزمەتىندە تاۋ-كەن ءوندىرۋ جابدىعىن قولداناتىن ءىرى كومپانيالاردىڭ سۇرانىسىن قاناعاتتاندىرۋعا مۇمكىندىك بەرەدى.
«بۇل – ورتالىق ازياداعى العاشقى زاۋىت. Weir Minerals-تىڭ KAZAX Minerals جانە Kazzinc سياقتى قازاقستاندىق كومپانيالارمەن سەرىكتەس ءارى مول تاجىريبەسى بار. Weir Minerals جابدىقتارى بۇرىننان قالىپتاسقان جانە جەرگىلىكتى مىس شاحتالارىندا سەنىمدى جۇمىس ىستەيدى. ەندى وتاندىق كومپانيالاردىڭ قۇرال-جابدىقتاردى ساتىپ الۋعا جانە قىزمەت كورسەتۋگە مۇمكىندىگى بولادى»، – دەدى ەربولات دوسايەۆ ءوزىنىڭ قۇتتىقتاۋ سوزىندە.
قالا باسشىسى سونداي-اق «قاز-ديا-تەست» ج ش س زاۋىتىنىڭ اشىلۋىنا قاتىستى، ول تەست-جۇيەنىڭ 4 ءتۇرىن: ەكسپرەسس-تەست، پتر-تەست، يفت-تەست، پەتري توستاعانىن شىعاراتىن بولادى. زاۋىتتىڭ قۋاتتىلىعى – جىلىنا 1،83 ملن تەست.جوبانىڭ قۇنى – 4،6 ملرد تەڭگە، ونىڭ 50%-ى – ءوز قاراجاتى، 50%-ى – قارىز قاراجاتى. 65 جاڭا جۇمىس ورنىن قۇرۋ جوسپارلانۋدا.
«مۇنداي جوبانى ىسكە اسىرۋ، اسىرەسە سوڭعى جىلدارداعى ەپيدەميولوگيالىق جاعدايدى ەسكەرە وتىرىپ، دەر كەزىندەگى ءارى وزەكتى شەشىم بولىپ تابىلادى. كوروناۆيرۋس پاندەمياسى «باستى بايلىق – دەنساۋلىق» ەكەنىن ناقتى كورسەتتى. سوندىقتان جەكە تەستىلەۋ جۇيەلەرىنىڭ بولۋى – الماتى قالاسى عانا ەمەس، بۇكىل قازاقستان جانە جالپى دەنساۋلىق ساقتاۋ جۇيەسى ءۇشىن ماڭىزدى قادام»، – دەدى قالا باسشىسى كاسىپورىننىڭ اشىلۋ سالتاناتىندا.
ەربولات دوسايەۆ يندۋستريالدى ايماقتىڭ باسقارۋشى كومپانياسىنا وندىرىستىك كاسىپورىنداردىڭ جۇمىسى ءۇشىن بارىنشا قولايلى جاعداي جاساۋدى تاپسىردى.
(اقپارات Indzone.kz-تەن الىندى)