الماتىداعى Almaty Hostel حوستەلىندە بولعان ءورت سالدارىنان 13 ادامنىڭ قازا بولۋ وقيعاسى بويىنشا ءىس سوتقا بەرىلدى، دەپ حابارلايدى aqshamnews.kz
ءىس الماتى قالاسىنىڭ اۋەزوۆ اۋداندىق سوتىنا تاپسىرىلدى. سوت كابينەتىندە جاريالانعان مالىمەتتەرگە سايكەس، بۇل وقيعاعا قاتىستى ەكى ادام ايىپتالۋدا.
ءبىرىنشىسى — حوستەل يەسى، ول بۇرىنعى قارۋ-جاراق دۇكەنىن حوستەلگە اينالدىرعان. ەكىنشىسى — ءورت قاۋىپسىزدىگى دابىل جۇيەسىنە جاۋاپتى فيرمانىڭ باسشىسى
ەستەرىڭىزگە سالا كەتسەك. الماتىداعى Almaty Hostel-دە ورىن العان ءورت 2023 جىلدىڭ 30 قاراشاسىندا بولدى. ءورت ءۇش قاباتتى عيماراتتىڭ جەرتولەسىنەن باستالىپ، ول حوستەل رەتىندە پايدالانىلعان بولاتىن. بۇل قايعىلى وقيعا سالدارىنان 13 ادام كوز جۇمدى، ولاردىڭ كوپشىلىگى ءيىس تيۋدەن قايتىس بولعان. ءورت كەزىندە عيماراتتا 72 ادام بولعان، ونىڭ 59-ى وزدىگىنەن ەۆاكۋاسيالانا الدى. ءورت ءبىر ساعات ىشىندە وشىرىلگەن.