ءبىر جاسار قىزدىڭ اناسى الماتى قالاسىنداعى №2 قالالىق بالالار كلينيكالىق اۋرۋحانانىڭ حيرۋرگتارىنا كىندىكتەن بولىندىگە (دىمقىل كىندىك)، ءىشتىڭ اينالاسىنداعى تەرىنىڭ تىتىركەنۋىنە، ماسەراسياسىنا شاعىمدارمەن جۇگىنگەن، دەپ حابارلايدى Almaty-akshamy.kz.
اۋرۋحانانىڭ باسپا ءسوز قىزمەتىنىڭ مالىمەتىنشە، دياگنوزدى تەكسەرۋ ءۇشىن قۋىقتىڭ ۋلترادىبىستىق زەرتتەۋى، سيستوگرافيا جاسالدى. زەرتتەپ-قاراۋ ناتيجەسىندە بالادا ۋراحۋستىڭ تولىق ەمدەلمەگەنى انىقتالدى.
قۋىق-كىندىك جىلانكوزى، ول كىندىكتەن نەسەپتىڭ تۇراقتى بولىنۋىمەن كورىندى. جوسپارلى وپەراسيالىق ەمدەۋ ۇسىنىلادى. وپەراسيانىڭ بۇل ءتۇرى ءمامس شەڭبەرىندە ورىندالادى، دەپ حابارلادى №2 مقكا باسپا ءسوز قىزمەتى.
"ۋراحۋس-بۇل نەسەپاعار، ول ادەتتە ەمبريودىق كەزەڭدە عانا بولادى جانە قۋىقتىڭ جوعارعى بولىگىن كىندىكباۋمەن بايلانىستىرادى.
جاتىرىشىلىك كەزەڭنىڭ شامامەن 5-7 ايىندا ونىڭ بىتەلۋى جۇرەدى. الايدا، بەلگىلى ءبىر جاعدايلاردا تۇتىك قاباتتاسپايدى، ناتيجەسىندە ونىڭ اۋىتقۋلارى پايدا بولادى. بۇل جاتىرىشىلىك كەزەڭدەگى وبليتەراسيا پروسەسىنىڭ بۇزىلۋىمەن بايلانىستى وتە سيرەك كەزدەسەتىن تۋا بىتكەن پاتولوگيا. حيرۋرگياداعى 30 جىلدان استام تاجىريبەمدە مەن وسىنداي 3 جاعدايدى عانا كەزدەستىردىم"، - دەپ ءتۇسىندىردى №2 مكاد حيرۋرگيالىق بولىمشەسىنىڭ مەڭگەرۋشىسى مارات قاپتاعايەۆ.
حيرۋرگ بۇل پاتولوگيامەن قابىنۋ اسقىنۋلارىنىڭ الدىن الۋعا مۇمكىندىك بەرەتىن حيرۋرگيالىق ەمدەۋ كورسەتىلگەنىن اتاپ ءوتتى. بۇل لوكاليزاسيالانعان قابىنۋ پروسەسىنىڭ دامۋىنا، ءىشتىڭ الدىڭعى قابىرعاسىنىڭ ءىرىڭدى قابىنۋىنا (ابسەسس)، قايتالاناتىن سيستيتكە جانە كيستانىڭ پايدا بولۋىنا اكەلۋى مۇمكىن. تولىق فيستۋلامەن كونسەرۆاتيۆتىك ەمدەۋ ءتيىمسىز.
قۇرامىندا №2 مككا تاجىريبەلى حيرۋرگتارى مەن انەستەزيولوگتارى م.قاپتاعايەۆ، ە. ماحانوۆ جانە ت. يۋسۋپوۆتان تۇراتىن وپەراسيالىق توپ حيرۋرگيالىق ارالاسۋدى ءساتتى ورىندادى – 30 مينۋتتىڭ ىشىندە نەسەپ شىعارۋ جولى تۇبەگەيلى الىپ تاستالدى جانە بالانى وسى انوماليادان ءبىرجولا قۇتقاردى.