الماتى حايۋاناتتار باعى جاڭا مەكەندەۋشىلەرمەن تولىقتى

اق ايۋ، زەبرالار، شيمپانزە، امۋر جولبارىستارى جانە قار بارىسى

الماتى حايۋاناتتار باعى ديرەكتورىنىڭ ۆەتەريناريا ءبولىمى جونىندەگى ورىنباسارى اعىباي اجىبايەۆ وكق بريفينگىندە 2023 جىلدىڭ باسىنان بەرگى  ماڭىزدى وقيعالار تۋرالى ايتىپ بەردى.

«بيىلعى جىلى وتەۋسىز نەگىزدە ءبىزدىڭ حايۋاناتتار باعىنا پۋرگا ەسىمدى ۇرعاشى اق ايۋ بەرىلدى، سونداي - اق بىزگە گرانا زەبراسىنىڭ ۇشەۋى، شيمپانزە مەن امۋر جولبارىسى جانە قار بارىسى كەلدى»، - دەدى ا.اجىبايەۆ. قازىرگى ۋاقىتتا 33 ءتول الىندى، ونىڭ ىشىندە 4-ەۋى قىزىل كىتاپقا ەنگىزىلگەن جانۋارلاردان».

الماتى حايۋاناتتار باعىندا سوڭعى 18 جىلدا بەگەموت تولدەدى. سونداي-اق حايۋاناتتار باعىنىڭ جالپى تاريحىندا العاش رەت شىعىس كولوبۋستان ۇرپاق الدى. 2020 جىلدان باستاپ حايۋاناتتار باعى جىل سايىن قاراقۇستارداە بالاپان الىپ وتىر.

سونىمەن قاتار، حايۋاناتتار باعىندا 9 جاستان 15 جاسقا دەيىنگى بالالارعا ارنالعان زوومەكتەپ ءوز جۇمىسىن جالعاستىرۋدا، وعان 80 وقۋشى قاتىسادى. بيىل 658 ادامعا 35 ەكسكۋرسيا، سونداي-اق 700 بالاعا ارنالىپ  Almaty creative HUB-تا 20 كوشپەلى ءدارىس وتكىزىلدى.

جەتىستىكتەر قاتارىندا وقۋشىلار اراسىندا حايۋاناتتار باعىنىڭ تۋعان كۇنىنە وراي اباي اتىنداعى قازۇپۋ-مەن بىرلەسىپ وتكىزىلگەن زوو وليمپيادا بار. جاقىندا ەارازا جىل سايىنعى حالىقارالىق كونفەرەنسياسى ءوتتى. كونفەرەنسياعا الەمنىڭ 19 ەلىنەن 160 حايۋاناتتار باعىنىڭ ماماندارى قاتىستى.