الماتى - ەلدىڭ شيكىزاتتىق ەمەس سەكتورىنداعى ينۆەستيسيالار بويىنشا باستى حابى
بۇل تۋرالى ورتالىق كوممۋنيكاسيالار قىزمەتىندە وتكەن بريفينگ بارىسىندا الماتى اكىمى ەربولات دوسايەۆ ءمالىم ەتتى، دەپ حابارلايدى aqshamnews.kz
قابىلدانىپ جاتقان شارالاردىڭ ارقاسىندا بۇگىندە الماتى – شيكىزاتتىق ەمەس سەكتورداعى ينۆەستيسيالار جونىندەگى ەلدىڭ باستى حابى. اعىمداعى جىلدىڭ 11 ايىندا الماتىدا نەگىزگى كاپيتالعا 1،5 ترلن تەڭگە ينۆەستيسيا تارتىلدى.
ينۆەستيسيالاردىڭ ەڭ كوپ ءوسۋى وڭدەۋ ونەركاسىبىندە (2 ەسە، ۇلەسى – 6،8%)، ءبىلىم بەرۋدە (+61،1%، ۇلەسى – 5،3%)، ەلەكترمەن جانە جىلۋمەن جابدىقتاۋدا (+54،7%، ۇلەسى - 3،8%)، كولىكتە (+32،5%، ۇلەسى – 15،6%)، دەنساۋلىق ساقتاۋدا (+26،3%، ۇلەسى-4،3%)، سۋمەن جابدىقتاۋ جانە سۋ بۇرۋ (+21،0%، ۇلەسى – 2،0%).
"بۇل ەكونوميكانىڭ باسىم سالالارىن دامىتۋ ءۇشىن ينۆەستيسيالار قۇرىلىمىنىڭ ساپالى وزگەرۋىن راستايدى"، - دەپ اتاپ ءوتتى ەربولات دوسايەۆ.
قالا ەكونوميكاسىنىڭ قارقىندى دامۋىن جانە جەرگىلىكتى بيۋدجەت كىرىستەرىنىڭ ايتارلىقتاي ءوسۋىن ەسكەرە وتىرىپ، 2024 جىلعى 6 جەلتوقساندا Fitch Ratings الماتىنىڭ "ۆۆۆ+" دەڭگەيىندەگى دەربەس كرەديتتىك رەيتينگىن، "تۇراقتى" بولجامىن راستادى.
"جالپى، ءبىز قالا ەكونوميكاسىنا 2024 جىلى 2 ترلن تەڭگە جانە 2025 جىلى 2،3 ترلن تەڭگە تارتۋدى جوسپارلاپ وتىرمىز"، - دەدى قالا باسشىسى.