الماتى قالاسىنداعى ەپيدەميولوگيالىق جاعداي قاۋىرت كۇيىندە قالىپ وتىر.
الماتى دارىگەرلەرى قالاداعى كۆي اۋرۋىنىڭ تومەندەۋىنە كەشەندى شارالار اسەر ەتكەنىن ايتىپ وتىر، دەپ حابارلايدى Almaty-akshamy.kz.
اعىمداعى جىلدىڭ 1 ماۋسىمىنان باستاپ ماتريسانىڭ سارى ايماعىنا كوشۋىنە قاراماستان، الماتى قالاسىنداعى ەپيدەميولوگيالىق جاعداي كۇردەلى كۇيىندە قالىپ وتىر.
كريتەرييلەرگە سايكەس، قىزىلدان سارى ايماققا اۋىسقان كەزدە قولدانىستاعى شەكتەۋ شارالارى 7 كۇن وتكەننەن كەيىن كۇشىنە ەنەتىن بەلگىلى ءبىر جەڭىلدىكتەرمەن ساقتالادى (مەملەكەتتىك باس سانيتاريالىق دارىگەردىڭ 2021 جىلعى 25 ناۋرىزداعى №12 قاۋلىسى).
ق ر باس مەملەكەتتىك سانيتارلىق دارىگەرىنىڭ قاۋلىسىنا سايكەس، سارى ايماقتىڭ كريتەرييلەرى R سانى (جۇقتىرۋ كورسەتكىشى) < نەمەسە = 1.0 جانە 100 مىڭ تۇرعىنعا شاققانداعى اۋرۋ كورسەتكىشى < نەمەسە = 100 بولىپ تابىلادى.
رەسمي دەرەك بويىنشا،اعىمداعى جىلدىڭ 7 ماۋسىمىندا الماتى قالاسىندا R كورسەتكىشى=0،7 سانىندا 100 مىڭ تۇرعىنعا شاققاندا كۆي سىرقاتتانۋشىلىق كورسەتكىشى 64،7، ياعني 100-دەن تومەن.
كۆي اۋرۋشاڭدىعى الماتى قالاسى باس مەملەكەتتىك سانيتارلىق دارىگەرىنىڭ №15 جانە 16 قاۋلىلارىنا (بۇقارالىق ءىس-شارالارعا تىيىم سالۋ، بازارلاردىڭ، ساۋدا ويىن-ساۋىق ورتالىقتارىنىڭ جۇمىسىنا، جازعى الاڭداردى قوسپاعاندا، دەمالىس كۇندەرى الەۋمەتتىك بايلانىستاردى تومەندەتۋ ماقساتىندا قوعامدىق تاماقتانۋعا تىيىم سالۋ) سايكەس كەشەندى جۇرگىزىلگەن شەكتەۋ شارالارى ناتيجەسىندە، سونداي-اق حالىقتى ۆاكسيناسيالاۋدىڭ ناتيجەسى رەتىندە تومەندەدى.