“وزبەكستانداعى قازاقستان مەديسيناسىنىڭ كۇندەرى” اياسىندا قازاقستان كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىڭ ەندوسكوپيا جانە ينتەرۆەنسيالىق گاستروەنتەرولوگيا بولىمشەسىنىڭ مەڭگەرۋشىسى الما حابيجانوۆا مەن دارىگەر-ەندوسكوپيست قانات سەيتبەكوۆ تاشكەنتتەگى كلينيكالاردىڭ ماماندارىنا شەبەرلىك ساباقتارىن وتكىزدى، - دەپ حابارلايدى اqshamnews.kz.
ءىس-شارا بارىسىندا ولار ىشەك قابىنۋ اۋرۋلارىن دياگنوستيكالاۋدىڭ زاماناۋي ادىستەرى (باللوندى ەنتەروسكوپيا، ۆيدەوكاپسۋلالىق ەندوسكوپيا جانە ەندوۋلترادىبىستىق زەرتتەۋلەر) بويىنشا عزي جەتىستىكتەرىن تانىستىردى.
قازاقستاندىق ەندوسكوپيستەر «ىشەك قابىنۋ اۋرۋلارىندا ەندوسكوپيانىڭ ءرولى» تاقىرىبىندا «M-Clinic» مەديسينالىق ورتالىعىنىڭ ەندوسكوپيست-دارىگەرلەرى مەن گاستروەنتەرولوگتارى ءۇشىن دارىستەر وقىدى. شەبەرلىك ساباعى اياسىندا ىشەك قابىنۋ اۋرۋلارىن دياگنوستيكالاۋدىڭ زاماناۋي تاسىلدەرى ۇسىنىلىپ، كلينيكالىق جاعدايلار مەن ەندوسكوپيالىق باقىلاۋ الگوريتمدەرى تالقىلاندى. دياگنوستيكانىڭ ناقتىلىعىن ارتتىرۋ جانە يننوۆاسيالىق ەندوسكوپيالىق تەحنولوگيالاردى ەنگىزۋگە ەرەكشە نازار اۋدارىلدى.
سونىمەن قاتار، وزبەك ارىپتەستەرىمەن ەندوسكوپيالىق زەرتتەۋلەردى ستاندارتتاۋ، كابينەتتەردى جابدىقتاۋ جانە مامانداردىڭ دايىندىعىنىڭ ساپاسىن ارتتىرۋ ماسەلەلەرى بويىنشا كاسىبي پىكىرتالاستار ءوتتى. بىرلەسكەن عىلىمي-تاجىريبەلىك ءىس-شارالار ۇيىمداستىرۋ، تاجىريبە الماسۋ جانە قازاقستان مەن وزبەكستان اراسىنداعى حالىقارالىق ارىپتەستىكتى دامىتۋ ماسەلەلەرى تالقىلاندى.