فرانسۋز دامۋ ينستيتۋتىمەن ىنتىماقتاستىق تۋرالى مەموراندۋم كرەاتيۆتى يندۋستريانىڭ 9 سالاسىن قامتيدى.
2024 جىلعى 4 قاراشادا پاريجدە مەملەكەت باسشىسىنىڭ ساپارى كەزىندە Almaty Creative جانە فرانسۋز دامۋ ينستيتۋتى ىنتىماقتاستىق تۋرالى مەموراندۋمعا قول قويدى. سەرىكتەستىك قازاقستاندىق كرەاتيۆتى سالا وكىلدەرىنە تاجىريبە الماسۋ، وقىتۋ جانە كاسىبي بايلانىستاردى كەڭەيتۋ ءۇشىن پلاتفورما ۇسىنا وتىرىپ، مادەني جانە شىعارماشىلىق يندۋستريالاردى دامىتۋعا باعىتتالعان.
ىنتىماقتاستىق اۋديوۆيزۋالدى سەكتور جانە كينو، ورىنداۋشىلىق ونەر، مۋزىكا، ديزاين، ساۋلەت، قولونەر، سيفرلىق شىعارماشىلىق (بەينە ويىندار، يممەرسيۆتى تاجىريبە)، ادەبيەت جانە ءسان سياقتى نەگىزگى باعىتتاردى قامتيدى. مەموراندۋم شەڭبەرىندە قازاقستاندىق ماماندار ءۇشىن بىرەگەي مۇمكىندىكتەر بەرىلىپ، فەستيۆالدار، كورمەلەر، شەبەرلىك سىنىپتارى، كونفەرەنسيالار، سونداي-اق رەزيدەنسيالار مەن كاسىبي كەزدەسۋلەر ۇيىمداستىرىلادى.
«ءبىز، شىعارماشىلىق ماماندارىمىز شابىت الىپ قانا قويماي، دامي الاتىن، ءوز جوبالارىن حالىقارالىق دەڭگەيدە جۇزەگە اسىراتىن جانە ەلدىڭ ەكونوميكاسى مەن مادەني ومىرىنە ۇلەس قوساتىن جاعداي جاساۋعا تىرىسامىز. فرانسۋز ينستيتۋتىمەن ىنتىماقتاستىق - بۇل قازاقستاننىڭ الەمدىك كرەاتيۆتى قوعامداستىققا ينتەگراسيالانۋىنداعى ماڭىزدى قادام»، - دەپ اتاپ ءوتتى Almaty creative ونەركاسىپتى دامىتۋ دەپارتامەنتىنىڭ ديرەكتورى شولپان ماحمۋدوۆا.
فرانسيانىڭ دامۋ ينستيتۋتىنىڭ وكىلى مود جيرۋ (Maud Girout) ايتىپ وتكەندەي، مەموراندۋم سونىمەن قاتار فرانسيا مەن قازاقستان اراسىنداعى مادەني ىنتىماقتاستىقتى كەڭەيتۋگە جانە ەكونوميكالىق بايلانىستاردى نىعايتۋعا مۇمكىندىك بەرەدى.
«ءبىز قازاقستاندىق ماماندارمەن ىنتىماقتاستىقتا مادەني جانە ىسكەرلىك بايلانىستاردى نىعايتۋعا جانە كرەاتيۆتى جوبالار ءۇشىن جاڭا پەرسپەكتيۆالار اشۋعا كومەكتەسەتىن ۇلكەن الەۋەتتى كورىپ وتىرمىز. ءبىزدىڭ ورتاق كۇش-جىگەرىمىز تۇراقتى دامۋ مەن ينكليۋزيۆتىلىككە باعىتتالعان، ال بۇل، ءوز كەزەگىندە تابىستى جانە ۇزاق مەرزىمدى سەرىكتەستىكتىڭ نەگىزى بولادى»، - دەپ اتاپ ءوتتى جيرۋ.