مۇنداعى ماقسات – الماتىنى تۋريستىك ورىن رەتىندە تانىتۋ جانە تۋريستىك قىزمەت كورسەتۋ ساپاسىن ارتتىرۋ.
قوعامدىق كەڭەس مۇشەلەرىمەن، ءماسليحات دەپۋتاتتارىمەن جانە ساراپتامالىق قوعامداستىق وكىلدەرىمەن كەزدەسۋدە الماتى اكىمى جاڭا قالا برەندىن دامىتۋ جوسپارلارى تۋرالى ايتتى، دەپ حابارلايدى Almaty-akshamy.kz
«ءبىز الماتىنىڭ جانە جالپى الماتى اگلومەراسياسىنىڭ تۋريستىك الەۋەتىن تولىق پايدالانۋىمىز كەرەك. ءبىز تۋريستىك ينفراقۇرىلىمدى كەشەندى تۇردە دامىتامىز، ونىڭ ىشىندە جاڭا اۋەجاي تەرمينالىنىڭ قۇرىلىسىن جۇرگىزەمىز، ول جولاۋشىلار اعىنىن جىلىنا 14 ميلليونعا دەيىن ەسەلەيدى، تاۋ شاڭعىسى كۋرورتى مەن ەكوتۋريزم ورتالىعىن قۇرادى، قوناق ءۇي قورىن كەڭەيتەمىز. الماتىنى تۋريستىك ورىن رەتىندە تانىتۋ جانە تۋريستىك قىزمەت كورسەتۋ ساپاسىن ارتتىرۋ ءۇشىن قالانىڭ Discover Almaty جاڭا برەندى ازىرلەنەدى. ءبىز 2030 جىلى شەتەلدىك تۋريستەر اعىنىن 1 ميلليون ادامعا جەتكىزۋدى جوسپارلاپ وتىرمىز»، -دەدى الماتى اكىمى ەربولات دوسايەۆ.