الماتىداعى بوتانيكالىق باقتا اققۋدى موينىنان قىلقىندىرعان 1983 جىلعى ەر ادام ءبىر تاۋلىكتىڭ ىشىندە انىقتالىپ، ۇستالدى. كەيىن سوت وعان جەتى تاۋلىككە اكىمشىلىك قاماۋ جازاسىن تاعايىندادى، دەپ حابارلايدى Aqshamnews.kz بوتانيكالىق باقتىڭ باسپا ءسوز قىزمەتىنە سىلتەمە جاساپ.
5 تامىزدا الەۋمەتتىك جەلىلەردە ەر ادامنىڭ بوتانيكالىق ب ا ق اۋماعىندا اققۋدى موينىنان قىلقىندىرعان ءساتى تۇسىرىلگەن ۆيدەو تاراعان. بۇل جاعداي قوعامنىڭ اشۋ-ىزاسىن تۋدىردى. پوليسيانىڭ جەدەل ارەكەتى مەن ب ا ق قاۋىپسىزدىك قىزمەتى بەرگەن بەينەباقىلاۋ دەرەكتەرى ارقاسىندا قۇقىق بۇزۋشى انىقتالىپ، ۇستالدى.
الماتى قالالىق سوتىنىڭ مالىمەتىنشە، بۇگىن وتكەن سوت وتىرىسىندا ەر ادامعا جەتى تاۋلىككە اكىمشىلىك قاماۋ جازاسى كەسىلدى.
بوتانيكالىق ب ا ق اكىمشىلىگى ب ا ق اۋماعى ەرەكشە قورعالاتىن تابيعي ايماق ەكەنىن، مۇنداعى جانۋارلار مەن وسىمدىكتەردىڭ ارنايى قورعاۋدا بولاتىنىن ەسكە سالدى. اققۋدىڭ جاعدايىن ورنيتولوگ ماماندار تۇراقتى دەپ باعالادى. جاقىن ۋاقىتتا اققۋلار توعانىنىڭ اينالاسىنا قورشاۋ ورناتۋ جوسپارلانىپ وتىر.
سونداي-اق، باقتا كەلۋشىلەر سانىنىڭ ارتۋىنا بايلانىستى ەرەجەنى بۇزۋ وقيعالارى دا كوبەيگەن: كوگالدى تاپتاۋ، وسىمدىكتەردى زاقىمداۋ، قوقىس تاستاۋ، رۇقساتسىز پيكنيك وتكىزۋ. ءتارتىپتى ساقتاۋ ءۇشىن اكىمشىلىك «جاسىل پاترۋل» ەرىكتىلەرىنىڭ كومەگىنە جۇگىنۋدى جوسپارلاپ وتىر.