زالالدى وتەۋ قولداۋ قورىنىڭ قاراجاتىنان جۇزەگە اسىرىلادى.
بۇل تۋرالى الماتى اكىمىنىڭ ورىنباسارى ءىلياس وسەروۆ وڭىرلىك كوممۋنيكاسيالار قىزمەتى الاڭىندا وتكەن ونلاين بريفينگ بارىسىندا زارداپ شەككەن كاسىپكەرلەردىڭ سۇراقتارىنا جاۋاپ بەرە وتىرىپ مالىمدەدى، دەپ حابارلايدى Almaty-akshamy.kz
سپيكەر پوليسيا وكىلدەرىنەن تىركەۋ تالونىن العان، ءبىراق راستايتىن قۇجاتتارى جوق كاسىپكەرلەرگە كەلتىرىلگەن زالالدىڭ مولشەرىن باعالايتىن اۋداندىق كوميسسياعا جۇگىنۋ قاجەت ەكەنىن اتاپ ءوتتى.
«زالالدى باعالاۋدى قۇرامىنا تاۋەلسىز باعالاۋشىلار، اۋديتورلىق كومپانيالار، «اتامەكەن» كاسىپكەرلەر پالاتاسى جانە ت.ب. كىرەتىن اۋداندىق جۇمىس كوميسسيالارى جۇرگىزەدى»، - دەپ ناقتىلادى اكىم ورىنباسارى.
ونىڭ ايتۋىنشا، ءوتىنىشتى قاراۋ جانە شەشىم قابىلداۋدى وڭىرلىك كوميسسيا بەس كۇن ىشىندە جۇزەگە اسىرادى. وسىدان كەيىن وتەۋ ءۇشىن شەشىم جوباسى ازىرلەنەدى جانە اقشا قاراجاتى ءۇش كۇن ىشىندە ءوتىنىش بەرۋشىنىڭ اعىمداعى نەمەسە جيناق شوتىنا اۋدارىلادى.
بەكىتىلگەن تەتىككە سايكەس، كەلتىرىلگەن زالالدى وتەۋ جەرگىلىكتى اتقارۋشى ورگانداردىڭ نەمەسە زارداپ شەككەن بيزنەستى قولداۋ قورىنىڭ «كۇش بىرلىكتە» قاراجاتىنان جۇرگىزىلەتىن بولادى.
ءىلياس وسەروۆ كولىك، ەكسپەديسيالىق جانە وسىعان ۇقساس قىزمەتتەردى كورسەتەتىن كومپانيالار اۆتوكولىك ۇرلانعان نەمەسە بۇلىنگەن جاعدايدا اۋماقتىق پوليسيا بولىمشەسىنە جۇگىنۋى كەرەك ەكەنىن ايتتى.