«الماتى – ءبىزدىڭ ورتاق ءۇيىمىز» ناۋقانى اياسىندا يندۋستريالىق ايماق زاۋىتتارىنىڭ اۋماعى قوقىستان تازارتىلدى

الاتاۋ اۋدانىنداعى الماتى يندۋستريالىق ايماعىنىڭ وندىرىستىك كاسىپورىندارى «الماتى – ءبىزدىڭ ورتاق ءۇيىمىز» ناۋقانىنا بەلسەندى قاتىستى.

ناۋقان اياسىندا جۇمىس ىستەپ تۇرعان كاسىپورىندار مەن شاعىن ونەركاسىپ پاركتەرىنىڭ قىزمەتكەرلەرى ءوز نىسانىنىڭ اۋماعىن جالپى تازالاۋ جانە اباتتاندىرۋ جۇمىستارىن جۇرگىزدى، دەپ حابارلايدى Almaty-akshamy.kz.

ءىس-شاراعا «الماتى يندۋستريالىق ايماعى» ج ش س، «بيجان» ەوز، «Kazakhstan Mobility Engineering» ج ش س، «Vehicles Almaty» ج ش س، «اۆتوپلاستتەحنولودجي» ج ش س، «Astana Motors Engineering» ج ش س، «الەم تىنىسى» ج ش س، «ADS Industries» ج ش س، «Alatau Industrial Park»، «Le porte M» ج ش س، «Astana Motors Manufacturing Kazakhstan» ج ش س جانە باسقالار.

جۇمىس اياسىندا زاۋىتتار مەن نىسانداردىڭ ىشكى جانە ىرگەلەس اۋماقتارى قوقىستان، شۇبەرەكتەردەن جانە وندىرىستىك قالدىقتاردان تازارتىلدى، قۇرىلىستار مەن عيماراتتاردىڭ تەرەزەلەرى مەن ۆيترينالارى، اۆتوموبيل جولدارى مەن ورتالىقتاندىرىلعان سۋمەن قامتۋ مەن سۋ بۇرۋدىڭ قۇرىلىمدىق نىساندارى كىردەن جانە شاڭنان تازارتىلدى، ىشكى جانە ىرگەلەس كوگالداندىرۋ الاڭدارى رەتكە كەلتىرىلدى.
 
«الماتى - ءبىزدىڭ ورتاق ءۇيىمىز» ناۋقانى 8 ساۋىردە باستالىپ، 8 مامىرعا دەيىن جالعاسادى. ءاربىر تۇرعىن مەگاپوليستى دامىتۋعا جانە كوركەيتۋگە ۇلەس قوسا الادى.

تولىق اقپارات almaty.kz سايتى مەن الماتى اكىمدىگىنىڭ الەۋمەتتىك جەلىلەرىندەگى پاراقشالارىندا جاريالانادى. سونداي-اق، قالاداعى باننەر، پلاكات جانە افيشالارداعى ارنايى QR-كود ارقىلى ۆەب-سايتقا كىرۋگە بولادى.

ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.