الماتىدا «الماتى – ءبىزدىڭ ورتاق ءۇيىمىز» ناۋقانى اياسىندا جۇگىرۋدى قوقىس جيناۋمەن بىرىكتىرەتىن قوزعالىس ءوتتى. ءىس-شارا وتەتىن جەردە قاتىسۋشىلارعا قوقىس پاكەتى مەن قولعاپ ۇسىنىلدى، دەپ حابارلايدى almaty-akshamy.kz
ايتا كەتۋ كەرەك، ءىس-شاراعا 100-دەن استام ادام قاتىستى. جۇگىرۋ كانال ماڭىندا باستالدى، قاتىسۋشىلار مارشرۋتتىڭ ۇزىندىعى شامامەن 6 شاقىرىم بولاتىن توعاي بويىمەن ۇلكەن اينالىم جاسادى.
-وزدەرىڭىز بىلەتىندەي، الماتىدا قالا اكىمىنىڭ باستاماسىمەن ەكولوگياعا بەي-جاي قارامايتىن مەگاپوليس تۇرعىندارى مەن قوناقتارى ءۇشىن «الماتى - ءبىزدىڭ ورتاق ءۇيىمىز» ناۋقانى باستالدى. اكسيا بارىسىندا بارلىق قوقىس تازارتىلدى. ەكسترەمالدى اتلەتيكا، «ءبىرىنشى بولۋ باتىلدىق» قورى، سونداي-اق الماتى تۇرعىندارى اتىنان سپورت قوعامداستىقتارى بەلسەندى قاتىسادى. مەنىڭ ويىمشا، پلوگگينگ وتە جاقسى ءوتتى. ەكولوگيا تۇرعىسىنان الماتىلىقتاردىڭ مادەنيەتى وتە جوعارى. قازاقستان بويىنشا الماتى جاسىل جەلەكبويىنشا كوشباسشى بولىپ تابىلادى. قالا تۇرعىندارى ەكولوگيا ءۇشىن الاڭدايتىنىن جانە ەكواكسيالارعا قاتىساتىنىن اتاپ وتكىم كەلەدى. الماتىلىقتار ناۋقاندى وتە جاقسى قابىلدادى، بۇل قۋانىشتى جايت، - دەدى الماتى قالاسى سپورت باسقارماسى باسشىسىنىڭ ورىنباسارى بەكجان ونجان.
-پلوگگينگ – بۇل جاي عانا جۇگىرمەي، اينالانى قوقىستان تازارتۋ. توعايداعى بارلىق سوقپاقتى قامتىدىق. ءبىز حالىقارالىق تاجىريبەنى قولداندىق - ادامدار سپورتتى الەۋمەتتىك جاۋاپكەرشىلىكپەن بىرىكتىرەدى. ءبىز پاندەمياعا دەيىن ەكوپلوگينگ جاسادىق، ەندى قايتادان وسى قوزعالىستى باستادىق. ەڭ كەمى ءۇش پلوگگينگ وتكىزۋدى جوسپارلاپ وتىرمىز، ءبىراق ولاردىڭ سانىن كوبەيتۋ كەرەكتىگىن ويلانامىز. مەنىڭ ويىمشا، ەكولوگياعا قامقورلىق جاساۋ وتە دۇرىس نارسە، بۇل ادامداردى قوقىسقا تاستاماۋعا ۇيرەتەدى. «تازالىق جيناعان جەردە ەمەس، ساقتاعان جەردە» دەگەن. جالپى، مۇنداي اكسيالار ادامداردى كوپتەپ تارتۋعا، مادەنيەتتى بولۋدى ۇيرەتۋگە مۇمكىندىك بەرەدى. ول وسىنداي جوبالار ارقىلى جۇزەگە اسادى، - دەدى «الماتى مارافونى» كومپانياسىنىڭ وپەراسيالىق ديرەكتورى ەرجان ءبىرىمجانوۆ.
الماتىلىق سپورت كلۋبىنىڭ جاتتىقتىرۋشىسى ەلۆيرا زۆەريەۆا قالاداعى ەكولوگيالىق قوزعالىستى قولداۋعا كەلدى.
– قورشاعان ورتانىڭ تازا ءارى ادەمى بولعانىن قولدايمىن. ادامدار قوقىس شىعارۋعا جانە نە ىستەپ جاتقانىنا سانالى تۇردە قاراۋى ءۇشىن كەرەك. مەنىڭشە، ادام قوقىستى تاستاۋدىڭ سوڭى نەگە اكەلەتىنىن كورسە، كەلەسى جولى جاۋاپكەرشىلىكپەن قارايدى. مۇنداي ءىس-شارالار جۇرتشىلىقتى ەكولوگيا ماسەلەسىنە جانە قالادا تازالىقتى ساقتاۋعا تارتادى، - دەدى ول.
ەرىكتى رەتىندە پلوگگينگ وتكىزۋگە يۆان كراسنوۆ قول ۇشىن سوزىپ، ۇيىمداستىرۋشىلىق جاعىنا كومەكتەستى.
– مەن جارىستارعا ءجيى قاتىسامىن، سونداي-اق ەرىكتى بولۋعا تىرىسامىن. بۇل سپورتشىلارعا كومەك جانە ولاردىڭ ءارقايسىسى جارىس وتكىزۋگە ۇلەس قوسىپ، ولارعا پروسەستى جەڭىلدەتۋى كەرەك دەپ سانايمىن. جارىسپەن قاتار پلوگگينگ وتكىزۋدى ۇيعاردىق. جارىستان كەيىن قوقىس جينايمىز. جالپى، ءبىزدىڭ تۇرعىنداردىڭ ەكولوگياعا دەگەن كوزقاراسى وتە تومەن دەڭگەيدە. «ەكولوگيا» جانە «ەكولوگيالىق» ۇعىمى ءبىزدىڭ قالا تۇرعىندارىنا جات. بىرنەشە مەتر جەردە قوقىس جاشىگى تۇرسا دا، قوقىستى جەردە تاستاي سالادى. ادامدار قوقىستى قايدا تاستاۋ كەرەكتىگىن تۇسىنبەيدى. ولاردىڭ ويىنشا ارتىنان بىرەۋ تازالاۋى كەرەك. ولار ۇلتتىق ساياباقتاردا اقشا تولەگەسىن جيناۋى كەرەك دەپ سانايدى. بۇل بىزدە مەكتەپ قابىرعاسىندا، ۋنيۆەرسيتەتتەردە دە ايتىلمايدى. سوندىقتان مەن ەكويدەيالاردى جاپپاي ناسيحاتتاۋ كەرەك دەپ سانايمىن، مۇمكىن سول كەزدە حالىقتىڭ ساناسى ويانىپ، وزدەرى ارتىن جيناپ جۇرەدى، – دەدى الماتىلىق يۆان كراسنوۆ.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.