الماتى قالاسىنىڭ 2025 جىلعا دەيىنگى دامۋ باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالار.
ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ اقپاراتتىق الاڭىندا الماتى اكىمى ەربولات دوسايەۆتىڭ قاتىسۋىمەن باسپا ءسوز ءماسليحاتى ءوتىپ جاتىر. وندا قالا اكىمى الماتىنىڭ جىل باسىنان بەرگى الەۋمەتتىك-ەكونوميكالىق دامۋى تۋرالى ەسەپ بەرۋدە، دەپ حابارلايدى Almaty-akshamy.kz
الماتى اكىمىنىڭ سوزىنشە، 2022 جىلدىڭ قىركۇيەگىندە الماتى قالاسىنىڭ ءماسليحاتى الماتى قالاسىنىڭ 2025 جىلعا دەيىنگى دامۋ باعدارلاماسىن جانە 2030 جىلعا دەيىنگى ورتا مەرزىمدى پەرسپەكتيۆالاردى بەكىتتى.
باعدارلامادا (1) قولايلى قالالىق ورتا، (2) تۇراقتى ەكونوميكالىق ءوسىم، (3) باسقارىلاتىن ۋربانيزاسيا، (4) الەۋمەتتىك تۇراقتىلىق جانە ورنىقتىلىق، (5) جاسىل الماتى، (6) الماتى – سمارت-سيتي، (7) ءقاۋىپسىز قالا سياقتى 7 باسىم باعىت ايقىندالعان.
مەملەكەت باسشىسىنىڭ وتكەن جىلعى 16 قاراشادا قالامىزدى ودان ءارى دامىتۋ جونىندەگى تاپسىرمالارىن ەسكەرە وتىرىپ، جەلتوقسان ايىندا جول كارتالارى بەكىتىلدى. ول دامۋ باعدارلاماسىن تابىستى ىسكە اسىرۋدىڭ نەگىزگى قادامدارىن قامتيدى. بۇگىندە الماتى قالاسىنىڭ جوبالىق ءوفيسى بازاسىندا 9 جول كارتاسىن ءىس جۇزىندە جۇزەگە اسىرۋ قارقىندى جۇرگىزىلۋدە.
«باسىم باعىتتار بويىنشا بارلىعى 476 جوبانىڭ 275ء-ى (57،7%) ىسكە اسىرۋ ساتىسىندا تۇر. بۇل جوبالار قالانىڭ بارلىق اۋداندارىندا جايلى قالالىق ورتا قۇرۋ جانە الماتىلىقتاردىڭ ءومىر ءسۇرۋ ساپاسىن ارتتىرۋعا باعىتتالعان.
ءبىزدىڭ ماقساتىمىز – الماتىنى باسەكەگە قابىلەتتى ەكونوميكاسى بار حالىقارالىق دەڭگەيدەگى جايلى جانە ءقاۋىپسىز قالاعا اينالدىرۋ»، - دەدى الماتى اكىمى ەربولات دوسايەۆ.