«الماتى بارىسى» ءتۋرنيرىنىڭ جەڭىمپازدارى انىقتالدى

بۇل جارىس بىلتىرعى جارىستارمەن سالىستىرعاندا وزگەشە ءوتتى.

قازاق كۇرەسىنەن «الماتى بارىسى-2022» ءتۋرنيرىنىڭ جەڭىمپازى مەن جۇلدەگەرلەرى بەلگىلى بولدى، دەپ حابارلايدى Almaty-akshamy.kz Almaty.tv سىلتەمە جاساپ.

30 سپورتشىنىڭ اراسىندا وتكەن سايىستا بوزكىلەمگە «قابانباي» دەگەن لاقاپ اتىمەن شىققان ەراسىل جاناتايەۆ توپ جاردى. 2-ورىن ەرسۇلتان جورابەككە بۇيىرسا، ۇزدىك ۇشتىكتەن ەرنار ماعاۋينوۆ كورىندى. بۇل جارىس بىلتىرعى جارىستارمەن سالىستىرعاندا وزگەشە ءوتتى. قازاق كۇرەسىنە ەنگەن جاڭا ەرەجەلەرگە بايلانىستى بۇك ۇپايى الىنىپ تاستالدى. ەندى پالۋاندار تەك تازا جانە جارتىلاي جەڭىس، جامباس ادىستەرى ارقىلى عانا جەڭىسكە جەتە الادى.

«بۇل ەندى قازىرگى قازاق كۇرەسىندەگى ادىس-تاسىلدەردىڭ ديناميكاسىن ارتتىرۋ ءۇشىن ىستەلىپ وتىرعان ەرەجە. بۇل جەردە نەگىزىنەن پالۋاندار كۇرەستىڭ ديناميكاسىن كۇشەيتەدى. ءبىر سوزبەن ايتقاندا، ادىستەر كوبىرەك قولدانىلادى»، – دەدى باس تورەشى ەركىن سايداقوۆ.

«قازاقستان بارىسى» ءتۋرنيرىنىڭ اقتىق كەزەڭى 3 شىلدەدە ەلوردادا وتەدى دەپ جوسپارلانىپ وتىر. وعان ءار وڭىردەن ىرىكتەۋلەردە 1 جانە 2 ورىن العان سپورتشىلار قاتىسادى. اتالمىش سايىستىڭ 3 دۇركىن جۇلدەگەرى رۋسلان ءابدىرازاقوۆ بۇگىندە جاستار اراسىنداعى باسەكەلەستىك جوعارى ەكەنىن ايتادى. 

«ءوزىم وسى 2 شاكىرت دايىنداپ ەدىم. ولار دزيۋدومەن اينالىسادى. قازاق كۇرەسىنەن ءبىرىنشى جارىستارى. ىڭعايىن تابا الماي جاتىر. ەندى، اللا قالاسا، الداعى ۋاقىتتا شاكىرتتەرىمنىڭ دەڭگەيىن وسىرسەم دەگەن ويىم بار»، – دەدى سپورتشى رۋسلان ءابدىرازاقوۆ.