قازاقستانداعى بالالار ءال-اۋقاتىنىڭ ورتاشا باعاسى 55،3 بالدى قۇرايدى.
قازاقستاندا بەس ءوڭىر بالالار ءۇشىن قولايسىز دەپ تانىلدى. بۇل تۋرالى وقۋ-اعارتۋ مينيسترلىگىنىڭ ءبىلىم سالاسىندا ساپانى قامتاماسىز ەتۋ كوميتەتىنىڭ قاۋلى جوباسىندا جازىلعان.
قازاقستانداعى بالالار ءال-اۋقاتىنىڭ ورتاشا باعاسى 55،3 بالدى قۇرايدى. الماتى قالاسى بالالار ءۇشىن ەڭ قولايلى ءوڭىر (63،3 بالل). ال قىزىلوردا (62،1 بالل)، اقتوبە (59،9 بالل)، قوستاناي (49،7 بالل)، باتىس قازاقستان (47،4 بالل) جانە اقمولا (43،8 بالل) وبلىستارى بالالار ءۇشىن قولايسىز دەپ تانىلعان.
دەنساۋلىق ساقتاۋ مينيسترلىگىنىڭ مالىمەتىنشە، رەسپۋبليكادا جىل سايىن 600 مىڭنان استام ادام جاراقات الادى، ولاردىڭ 22 پايىزدان استامى نەمەسە 130 مىڭى – بالالار. ونىڭ ىشىندە مۇزعا قۇلاۋ، تەرەزەدەن قۇلاۋ، جول اپاتى، ءورت، سۋ ايدىندارىندا جانە تاعى باسقا جەردە بولاتىن وقىس جاعدايلاردان بولعان. ياعني، كۇن سايىن 360 بالا زارداپ شەگەدى.
2022 جىلى 200-گە جۋىق بالا تەرەزەدەن قۇلاپ، ونىڭ 25ء-ى قايتىس بولعان.
ايتا كەتەيىك، 2022 جىلدىڭ سوڭىندا قازاقستانداعى بالالار سانى 6،6 ملن-عا جەتتى. ونىڭ ىشىندە 3،7 ميلليوننان استامى – وقۋشىلار، 2،5 ميلليوننان استامى – مەكتەپ جاسىنا دەيىنگى بالالار، 400 مىڭنان استامى – كوللەدج ستۋدەنتتەرى.