ايەلدەردىڭ زەينەت جاسى قايتا قارالا ما؟

ءمينيستردىڭ ايتۋىنشا، 2029 جىلدان باستاپ بۇل ماسەلە قايتا قارالماق.

بۇل سۇراققا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا جاۋاپ بەردى، دەپ حابارلايدى Almaty-akshamy.kz

سۇراققا جاۋاپ بەرگەن ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا زەينەت جاسى مىنا  كورسەتكىشتەر بويىنشا ەسەپتەلەتىنىن اتاپ ءوتتى.

ءومىر ءسۇرۋ ۇزاقتىعى؛

زەينەتاقىمەن قامسىزداندىرۋ دەڭگەيى.

ول الداعى بەس جىلدا دەنساۋلىق ساقتاۋ سالاسىندا اۋىل مەديسيناسىن جاقسارتۋ، كوپ سالالى اۋرۋحانالار، مامانداندىرىلعان ەمدەۋ مەكەمەلەرىن سالۋدى، تەلەمەديسينا، سكرينينگ جۇرگىزۋدى كوزدەيتىن ءىرى ۇلتتىق جوبا ىسكە اسىرىلاتىنىن ءمالىم ەتتى.

"ناتيجەسىندە، ازاماتتارىمىزدىڭ ءومىر ءسۇرۋ ۇزاقتىعىنىڭ جاقساراتىن بولسا، 2029 جىلدان باستاپ ءبىز بۇل ماسەلەگە قايتا ورالامىز، ەگەر ءبارى وسى دەڭگەيدە قالسا نەمەسە، كەرىسىنشە، تومەنىرەك بولسا، وندا ارينە، جاس شەكتەۋى ماسەلەسى مىندەتتى تۇردە قايتا قارالادى"، دەدى تامارا دۇيسەنوۆا.

بۇل رەتتە ەڭبەك ءمينيسترى قازاقستاندا كەيبىر ازاماتتاردىڭ زەينەتكە ەرتە شىعۋىنا بولاتىن نورما بار ەكەنىن اتاپ ءوتتى. مىسالى، كوپ بالالى انالار، سەمەي يادرولىق سىناق پوليگونى ايماعىندا تۇراتىن ازاماتتار، سونداي-اق زەينەتاقى قورىندا قاراجاتى بار ازاماتتار زەينەتاقى اننۋيتەتى ارقىلى 55 جاستا زەينەتكە شىعا الادى.