40 ۇزدىك باسشى مەن ادىسكەر مالايزيا، جۇڭگو، پولشا جانە گەرمانيانىڭ جەتەكشى ءبىلىم بەرۋ مەكەمەلەرىندە تاعىلىمدامادان وتەدى6 دەپ حابارلايدى aqshamnews.kz.
مۇنداي مۇمكىندىك 2025 جىلعا دەيىنگى مەگاپوليستى دامىتۋدىڭ جول كارتاسى اياسىندا الماتى اكىمدىگى جۇزەگە اسىراتىن قالالىق مەكتەپكە دەيىنگى ۇيىمدار ماماندارىنىڭ بىلىكتىلىگىن ارتتىرۋ باعدارلاماسى بويىنشا ۇسىنىلىپ وتىر.
23-27 قىركۇيەك ارالىعىندا FACETS تەحنولوگياسى سياقتى پەداگوگتاردىڭ جۇمىسىن باعالاۋدىڭ يننوۆاسيالىق ادىستەرىمەن تانىسۋ جانە اقش-تا قولدانىلاتىن مونتەسسوري جۇيەسىنىڭ ەرەكشەلىگىن زەرتتەۋ بويىنشا شەتەلدىك ساراپشىلاردىڭ قاتىسۋىمەن دارىستەر، شەبەرلىك ساعاتتارى مەن ۆوركشوپتار وتەدى.
جۇڭگو مەن مالايزياداعى تاعىلىمداما اياسىندا ۇزدىك ادىسكەرلەر تاربيەلەنۋشىلەردىڭ وقۋ جەتىستىكتەرىنە باعىتتالعان وقۋ باعدارلامالارىمەن تانىسا الادى. ماقسات قويۋ جانە ءتيىمدى وقىتۋعا ىقپال ەتەتىن ءبىلىم بەرۋ ورتاسىن ۇيىمداستىرۋ ادىستەرىنە، سونداي-اق مۇعالىمدەردى دايارلاۋ باعدارلامالارىنا باستى نازار اۋدارىلادى.
پولشا مەن گەرمانيادا مەكتەپكە دەيىنگى ءبىلىم بەرۋدەگى ينكليۋزيۆتى ءتاسىل مودەلىنە جانە ستراتەگيالارىنا كوڭىل بولىنەدى. سونىمەن قاتار، قاتىسۋشىلار مەكتەپكە دەيىنگى ءبىلىم بەرۋ سالاسىنداعى پەداگوگتەردىڭ كاسىبي دامۋى مەن بىلىكتىلىگىن ارتتىرۋعا ماماندانعان جەتەكشى ءبىلىم بەرۋ ورتالىعى بولىپ تابىلاتىن Fröbel مەكتەپكە دەيىنگى مەكەمەسىندە «تاعىلىمداما كۇنىن» وتكىزۋ مۇمكىندىگىنە يە بولادى.
ايتا كەتەيىك، مەكتەپكە دەيىنگى ۇيىمدار ماماندارىنىڭ بىلىكتىلىگىن ارتتىرۋ جوباسى 2023 جىلى باستالىپ، 2305 بالاباقشا پەداگوگىن قامتىدى. بيىل 5 تامىزدان باستاپ مەكتەپكە دەيىنگى ۇيىمداردىڭ بەس ساناتىنداعى 440 قىزمەتكەر ءۇشىن وقۋ باستالدى.
الماتىنىڭ مەكتەپكە دەيىنگى مەكەمەلەر ماماندارىنىڭ بىلىكتىلىگىن ارتتىرۋ باعدارلاماسى پەداگوگتەردىڭ كاسىبي داعدىسىن دامىتۋ ارقىلى ءبىلىم بەرۋ جۇيەسىن جاڭعىرتۋعا باعىتتالعان. بۇل ءوز كەزەگىندە قالاداعى مەكتەپكە دەيىنگى ءبىلىم بەرۋ ساپاسىن ايتارلىقتاي ارتتىرىپ، بالالاردىڭ جان-جاقتى دامۋىنا قولايلى جاعداي جاساۋعا مۇمكىندىك بەرەدى.