الماتى كوممۋنالدىق اۆتوپاركىنە قالا اكىمى ەربولات دوسايەۆتىڭ تاپسىرماسىمەن بيىل ساتىپ الىنعان گازبەن جۇرەتىن جاڭا اۆتوبۋستارى كەلىپ جاتىر.
جازدا جەلىگە 100 جاڭا اۆتوبۋس شىعارىلدى. ءقازىر تاعى 500 جاڭا اۆتوبۋس راسىمدەلىپ، دايىندالدى. دايىن بولعان كەزدە ولار جولاۋشىلار ەڭ كوپ جۇرەتىن مارشرۋتتارعا شىعادى. مىسالى، 2024 جىلدىڭ قاڭتارىندا №63، №28، №14، №92، №120، №120ا، №79، №50 جانە ت.ب. مارشرۋتتاردى كۇشەيتۋ جوسپارلانعان.
بۇعان قوسا، تروللەيبۋس پاركىنە 100 تروللەيبۋس ساتىپ الىندى، ءقازىر ولار جولاۋشىلار تاسىمالىن شىققان. ءارى جەكە تاسىمالداۋشىلار تۇراقتى نەگىزدە جاڭا جىلجىمالى بىرلىكتەردى ساتىپ الۋدا، بيىل 550 اۆتوبۋسقا ارنالعان جىلجىمالى قۇرام جاڭارتىلدى. وسىلايشا، 2023 جىلدىڭ سوڭىنا قاراي قوعامدىق كولىكتىڭ ەكولوگيالىق وتىن تۇرىندەگى ۇلەسى 53%-عا جەتتى.
ەستەرىڭىزگە سالا كەتەيىك، بيىل جىل باسىنان بەرى 22 جاڭا باعىت ۇيىمداستىرىلىپ، 205 اۆتوبۋس تارتىلىپ، 364 اۆتوبۋس ەسەبىنەن 24 مارشرۋتتاعى جىلجىمالى قۇرام جاڭارتىلدى. بۇل رەتتە، ورتا ەسەپپەن تاۋلىگىنە جولاۋشىلار اعىنى 1،2 ملن-نان 1،5 ملن جولاۋشىعا دەيىن ءوستى.