بىلتىر 4 مىڭ قازاقستاندىق ايتۆ جۇقتىرعان.
دەنساۋلىق ساقتاۋ ءمينيسترى الماتىنىڭ ورتالىق قالالىق كلينيكالىق اۋرۋحاناسىنداعى ايتۆ ينفەكسياسىن جۇقتىرۋعا قاتىستى پىكىر ءبىلدىردى، دەپ حابارلايدى Almaty-akshamy.kz
اجار عينيات اقپارات مينيسترلىككە جەتكەنىن ايتتى. ەندى دارىگەرلەر ينفەكسيا اۋرۋحانا ىشىندە تاراپ كەتۋىن بولدىرماۋعا تىرىسىپ جاتىر.
"تەكسەرۋدەن وتكەن بويدا ءبىز تولىق اقپارات بەرەمىز. ەندى تولىق ەپيدەميولوگيالىق تەكسەرۋ جۇرگىزىپ، ينفەكسيانىڭ وشاعىن، جۇقتىرۋ جولىن، اۋرۋحاناىشىلىك ينفەكسيا بولعان-بولماعانىن ءتۇسىنۋىمىز كەرەك. ول جەرگە مينيسترلىك پەن كوميتەتتەر جىبەرىلدى"، دەدى اجار عينيات.
ول 2022 جىلى 4 مىڭ قازاقستاندىق ايتۆ جۇقتىرعانىن ايتتى. 2021 جىلى 3،5 مىڭ جاعداي تىركەلگەن ەدى.
كەشە الماتىنىڭ جيتس ورتالىعىنىڭ ماماندارى الماتى قالاسىنىڭ ورتالىق قالالىق كلينيكالىق اۋرۋحاناسىنان ايتۆ جۇقتىرعان ءۇش جاعدايدى انىقتاعان ەدى.
انىقتالعان فاكتىلەر نەگىزىندە الماتى قالاسى ۋوح-تىڭ 2 ماۋسىمداعى بۇيرىعىمەن ءبولىم باسشىسىنىڭ ورىنباسارى مەن قالالىق جيتس ورتالىعىنىڭ قىزمەتكەرلەرىنىڭ توراعالىعىمەن كوميسسيا قۇرىلدى.