ونىڭ ىشىندە 110 بالا ەمدەلىپ جاتىر.
الماتىدا COVID-19 جۇقتىرعان 1 554 ناۋقاس ەم قابىلداپ جاتىر، دەپ حابارلايدى Almaty-akshamy.kz قالالىق قوعامدىق دەنساۋلىق باسقارماسىنىڭ باسپا ءسوز قىزمەتىنە سىلتەمە جاساپ.
6 اقپانداعى اقپارات بويىنشا، ءبىر تاۋلىكتە قالادا 1146 ادام كوروناۆيرۋس جۇقتىرعان. بارلىق ەمدەلىپ شىققاندار – 33، كەلىپ تۇسكەنى – 97.
«ينفەكسيا ستاسيونارلارىندا 1 554 ادام بار (توسەك-ورىن 3310 ). ونىڭ ىشىندە 110 بالا ەمدەلىپ جاتىر»، – دەلىنگەن قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
سونداي-اق، رەانيماسيا جانە قارقىندى تەراپيا بولىمىندە 114 ادام جاتىر.
ال 24 ناۋقاس جاساندى تىنىس الۋ اپپاراتىنا قوسىلعان.
ءينۆازيۆتى ەمەس جاساندى تىنىس الۋ اپپاراتىندا 38 ادام ەم قابىلداۋدى جالعاستىرۋدا. High flow-دا 27 اپپارات جۇمىس ىستەيدى.
مەديسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديسينا ورتالىعىنىڭ امبۋلاتوريالىق باقىلاۋىندا 8553 پاسيەنت بار.
ونىڭ ىشىندە ىندەت بەلگىلەرى بار، ورتاشا اۋىر جاعدايدا – 8 016 ناۋقاس، سيمپتومسىز 537 ناۋقاس بار.