بۇدان بۇرىن قالامىزداعى ەكى اۋرۋحاناعا مينا قويىلدى دەگەن مالىمەت تاراعانىن حابارلاعانبىز.
اقپارات جالعان بولىپ شىقتى، قاسكۇنەمدى ىزدەۋ ءجۇرىپ جاتىر، دەپ حابارلايدى Almaty-akshamy.kz.
بۇگىن پوليسياعا №4 جانە جەدەل جاردەم اۋرۋحاناسىنا جارىلعىش قۇرىلعىلار جاسىرىلعانى تۋرالى حابارلامالار كەلىپ ءتۇستى. دەرەۋ ورىندارعا شۇعىل قىزمەتتەر جىبەرىلدى. ناۋقاستار مەن قىزمەتكەرلەر ەۆاكۋاسيالاندى، عيماراتتاردى ساپەرلەر تەكسەردى.
«مەديسينالىق مەكەمەلەر شتاتتىق جۇمىس رەجيمىنە قايتا ورالدى»، - دەيدى پوليسيادان.
ق ر قىلمىستىق كودەكسىنىڭ 273-بابى «تەرروريزم اكتىسى تۋرالى كورىنەۋ جالعان حابارلاۋ» بويىنشا سوتقا دەيىنگى تەرگەپ-تەكسەرۋ باستالعان. قاسكۇنەمدى ىزدەۋ ءجۇرىپ جاتىر.