روتوندار، پەرگولدار، فۋنكسيونالدىق ويىن الاڭدارى: الماتى اۋلالارى قالاي وزگەرۋدە
الماتى قالاسىنىڭ المالى اۋدانىندا «حالىق قاتىساتىن بيۋدجەت» باعدارلاماسى اياسىندا 30 اۋلا جوندەلەدى، ونىڭ ىشىندە بۇگىنگى تاڭدا 29 مەكەنجاي بويىنشا جۇمىستار اياقتالدى.
تۇرعىنداردىڭ حقب باعدارلاماسىنا قاتىسۋىنىڭ ارقاسىندا ءار اۋلا ءوزىنىڭ جەكە كەلبەتىمەن ادەمى، جايلى بولادى. مىسالى، ماقاتايەۆ كوشەسىندەگى №192 ءۇيدىڭ اۋلاسىندا جارقىن جانە فۋنكسيونالدى ويىن ايماعى پايدا بولدى. كوشە ترەناجەرلەرى، ىڭعايلى ورىندىقتار جانە ادەمى پەرگولا ورناتىلدى.
مۇقانوۆ كوشەسى، 245 مەكەنجايىنداعى تۇرعىندار حقب باعدارلاماسىنا قاتىسۋعا ەرەكشە قۋانىشتى. ولاردىڭ اۋلاسىندا تولىققاندى جانە زاماناۋي ويىن الاڭى، ترەناجەرلارى بار ايماق پايدا بولدى، قاراعايلار مەن بۇتالار وتىرعىزىلدى، جاڭا ورىندىقتار قويىلدى، جارىقتاندىرۋ جوندەلدى.
«ءبىز باعدارلاماعا قاتىسۋعا شەشىم قابىلدادىق جانە اۋلامىزدى تولىعىمەن جوندەدىك. بۇل وتە ىڭعايلى بولدى: ولار بالالار اتكەنشەگىن، ترەناجەرلەردى، زاماناۋي ورىندىقتاردى قويدى. ءبىزدىڭ تىلەكتەرىمىز ەسكەرىلدى. ءبىزدىڭ اۋلانى وزگەرتتى. ەڭ باستىسى، ءبىز سۇراعان نارسەنى جاسادى. ءبىز ويىن الاڭىن اۆتوتۇراقتان قورعاعىمىز كەلدى. جاسىل ايماق تۇرىندە قورشاۋ جاسالدى، بۇتالار، جاسىل جەلەكتەر وتىرعىزىلدى. ءبىز ريزامىز. اۋلاعا قاراما-قارسى ەسكى گاراجدار دا بار. جوبا اياسىندا گاراجداردىڭ قابىرعالارى جارقىن سۋرەتتەرمەن وزگەرەدى. ءبىزدىڭ اۋلا 40 جىل ىشىندە العاش رەت بارلىق جاعىنان اباتتاندىرىلدى»، - دەپ اتاپ ءوتتى «تۇلپار» پكسك ءتوراعاسى دامەل قويشينا.
ۇلكەن جوبالاردىڭ ءبىرى قابانباي باتىر كوشەسىندەگى №139 ءۇيدىڭ اۋلاسىندا جۇزەگە اسىرىلدى. ونىڭ دامۋىنا ساۋلەتشى قاتىستى. سوندىقتان مۇندا تۇرعىنداردىڭ بارلىق تىلەكتەرى ەسكەرىلىپ، كەڭىستىكتى ءتيىمدى جابدىقتادى. ءقازىر فۋتبول الاڭى، ويىن الاڭدارى جانە دەمالىس ايماقتارى بار.
تۇرعىنداردىڭ وزدەرى بەزەندىرەتىن گۇلزارلار بار.
امانگەلدى كوشەسى، 17 مەكەنجايىنداعى اۋلا تانىماستاي وزگەردى. بۇرىن قاراۋسىز قالعان ايماق، ال ءقازىر جايلى اۋلا بولعان. جوبا اۆتورلارى شاعىن اۋماققا قاراماستان، بارلىق قاجەتتى زاتتاردى ورنالاستىرا الدى. ءتىپتى كىشكەنتاي پەرگولا بار. ادەمى بەسەدكا، جاتتىعۋ جابدىقتارى بار ايماق.
ءار اۋلانى قايتا قۇرۋعا جەكە كوزقاراس بار. باسىمدىق-تۇرعىنداردىڭ تىلەكتەرى. بارلىعى قالا تۇرعىندارىنىڭ بوس ۋاقىتتارىن جايلى جاعدايدا وتكىزۋى ءۇشىن جاسالۋدا.
«حالىق قاتىساتىن بيۋدجەت» جوباسى بويىنشا بيىل المالى اۋدانىندا بارلىعى 52 جوبا جۇزەگە اسىرىلۋدا. الماتى اكىمى ەربولات دوسايەۆتىڭ تاپسىرماسى بويىنشا بيىل وسى باعدارلامانى قارجىلاندىرۋ 2 ملرد تەڭگەگە دەيىن ۇلعايتىلدى.