الماتى قالاسىنىڭ اۆياسيالىق كولىك پروكۋراتۋراسى زاڭسىز شىعارىلعان مەملەكەتتىك اكتيۆتەردى قايتارۋ جونىندەگى جۇمىس شەڭبەرىندە الماتى حالىقارالىق اۋەجاي جولاۋشىلار تەرمينالىنىڭ كوممەرسيالىق ءۇي-جايلارىن جەكە تۇلعالاردىڭ پايداسىنا زاڭسىز يەلىكتەن شىعارعانىن انىقتادى.
بۇل تۋرالى باس كولىك پروكۋراتۋراسى مالىمدەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ماسەلەن، 2003 جىلى «يمستالكوم» اق الماتى قالاسى اكىمدىگىنىڭ تاپسىرىسى بويىنشا جاڭا جولاۋشىلار تەرمينالىن سالدى. قۇرىلىس اياقتالعاننان كەيىن جاڭارتىلعان تەرمينالدىڭ ساۋدا الاڭدارىنىڭ ءبىر بولىگى مەردىگەرگە شارت بويىنشا 333 ملن تەڭگە مولشەرىندە قالعان سومانى وتەۋ ەسەبىنە ءوتتى.
سونىمەن قاتار، ىشكى مەملەكەتتىك ءاۋديتتىڭ ناتيجەسى بويىنشا قۇرىلىس سالۋشى الدىندا قانداي دا ءبىر بەرەشەك بولماعانى بەلگىلى بولدى.
اكىمدىككە وسى وبەكتىلەرگە مەنشىك قۇقىعىن قايتارۋ ءۇشىن اۆياسيالىق كولىك پروكۋراتۋراسى تۇركسىب اۋداندىق سوتىنا جاۋاپكەر ا.باقتيارقىزىنا جالپى اۋدانى 1 118،5 ش.م. جولاۋشىلار تەرمينالىنىڭ كوممەرسيالىق ءۇي-جايلارىن يەلىكتەن شىعارۋعا بايلانىستى بارلىق ماملەلەردى جارامسىز دەپ تانۋ تۋرالى تالاپ ارىزبەن جۇگىندى.
سوتتىڭ 29.12.2022 جىلعى شەشىمىمەن پروكۋراتۋرانىڭ تالاپ-ارىزى تولىق كولەمدە قاناعاتتاندىرىلدى. سوت اكتىسى اعىمداعى جىلدىڭ 13 ناۋرىزىندا كۇشىنە ەندى.
«بۇگىنگى تاڭدا سوتتىڭ شەشىمىن ورىنداۋ اياسىندا مەنشىك قۇقىعىن الماتى قالاسى اكىمدىگىنە تىركەۋ «ازاماتتارعا ارنالعان ۇكىمەت» اق بويىنشا، ال ادىلەت دەپارتامەنتىمەن وبەكتىلەردى مەملەكەت پايداسىنا تىكەلەي بەرۋ جۇمىستارى باستالدى»، - دەلىنگەن باس كولىك پروكۋراتۋراسىنىڭ باسپا ءسوز قىزمەتى تاراتقان حابارلامادا.