الماتى اۋەجايىنىڭ جاڭا تەرمينالىنا قانشا قاراجات كەتەدى

جالپى ورىندالعان جۇمىس كولەمى 60 پايىزعا تەڭ

ق ر ازاماتتىق اۆياسيا كوميتەتىنىڭ ءتوراعاسى تالعات لاستايەۆ الماتى اۋەجايىنداعى جاڭا تەرمينال قۇرىلىسىنا قانشا قارجى جۇمسالاتىنىن ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.

ونىڭ ايتۋىنشا، ءقازىر ءتورت جوبانىڭ قۇرىلىسى ءجۇرىپ جاتىر.

"اتاپ ايتقاندا، الماتى اۋەجايىندا 200 ميلليون دوللاردان استام قارجىعا جاڭا حالىقارالىق تەرمينالدىڭ قۇرىلىسى ءجۇرىپ جاتىر. الداعى جازدا پايدالانۋعا بەرىلەدى دەپ كۇتىلىپ وتىر. جالپى ورىندالعان جۇمىس كولەمى 60 پايىزعا تەڭ"، -دەدى تالعات لاستايەۆ.

سونىمەن قاتار جەكە ينۆەستيسيا ەسەبىنەن شىمكەنت جانە قىزىلوردا اۋەجايلارىندا جاڭا جولاۋشىلار تەرمينالدارىنىڭ قۇرىلىسى ءجۇرىپ جاتىر، ال ۇكىمەت رەزەرۆى ەسەبەنىنە قوستاناي اۋەجايى تەرمينالىن تەلەسكوپيالىق باسپالداق ورناتۋ جانە كەلۋ زالىن سالۋ ارقىلى قايتا جاڭعىرتۋ جۇمىستارى جۇرگىزىلىپ جاتىر.

سونداي-اق، مەملەكەت باسشىسىنىڭ تاپسىرماسى بويىنشا پاۆلودار اۋەجايىنىڭ ۇشۋ-قونۋ جولاعىن جانە تاكسي جولىن، بالقاش اۋەجايىنىڭ پەررونىن قايتا جاڭارتۋ ماسەلەسى پىسىقتالۋدا.