الماتى اۋەجايىنىڭ جاڭا تەرمينالى 2024 جىلدىڭ مامىر نەمەسە ماۋسىم ايلارىندا اشىلادى دەپ جوسپارلانىپ وتىر.
بۇل تۋرالى 7 ساۋىردە اۋەجايدىڭ باسشىسى الپ ەر تۋنگا ەرسوي مالىمدەدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ونىڭ ايتۋىنشا، ءقازىر جاڭا تەرمينال 53% دايىن. قۇرىلىس جالعاسىپ جاتىر.
"جاڭا تەرمينال 2024 جىلدىڭ جازىنا دەيىن اشىلادى دەپ جوسپارلاپ وتىرمىز. ءبىراق ءبىز ونىڭ 2024 جىلدىڭ مامىر نەمەسە ماۋسىم ايلارىندا اشىلعانىن قالايمىز"، - دەدى الپ ەر تۋنگا ەرسوي.
بۇعان دەيىن جاڭا تەرمينال 2024 جىلدىڭ تامىز ايىندا اشىلاتىنى حابارلانعان ەدى. تەرمينالدى قازاقتىڭ ۇلتتىق ناقىشىندا بەزەندىرۋ جوسپارلانعان. سونىمەن قاتار VIP ايماعى فۋدكورتتى جاقسارتۋ جوسپاردا.
وسىعان دەيىن الماتىدان جاڭا حالىقارالىق رەيستەر اشىلاتىنىن حابارلاعان ەدىك.