الماتى اۋەجايىندا اۋا رايىنىڭ قولايسىزدىعىنا بايلانىستى ءبىرقاتار رەيس كەشىگىپ جاتىر، دەپ حابارلايدى اlmaty-akshamy.kz.
الماتى حالىقارالىق اۋەجايىندا بۇگىن، 14 ناۋرىزدا، كۇن رايىنىڭ قولايسىزدىعىنا بايلانىستى رەيستەر كەشىگىپ جاتىر.
بۇل اقپارات اۋەجايدىڭ ونلاين تاقتاسىندا جاريالاندى. الماتىدان شىمكەنتكە، استاناعا، اقتاۋعا، اتىراۋعا، قاراعاندىعا، ۇرىمشىگە، بەيجىڭگە، دەليگە ۇشاتىن رەيستەر كەشىگەدى.
سونداي-اق استانا، شىمكەنت، تاراز جانە ۇرىمجىدەن كەلەتىن رەيستەر كەيىنگە قالدى.
الماتى حالىقارالىق اۋەجايىنىڭ باسپا ءسوز قىزمەتىنىڭ مالىمەتىنشە، اۋا رايىنىڭ قولايسىزدىعىنا بايلانىستى كوكتايعاققا قارسى وڭدەۋ جۇمىستارىن جۇرگىزۋ ۋاقىتشا مۇمكىن ەمەس.
اۋا رايى جاقسارعانشا الماتىدان ۇشاتىن رەيستەر توقتاتىلدى.
سونداي-اق، جەرگىلىكتى ۋاقىت بويىنشا ساعات 19.00-دەن باستاپ الماتى اۋەجايى ۇشاقتاردى قابىلدامايدى. ۇشىپ كەلەتىن رەيستەر ءۇشىن جابىق.
الماتى حالىقارالىق اۋەجايى كۇن رايى جاقسارا سالىسىمەن جۇمىسىن جالعاستىرادى.